पश्चिम ठमेल पर्यटन परिषद्वारा विभिन्न संस्था एवं व्यक्तित्वहरु सम्मानित


काठमाडौं: पश्चिम ठमेल पर्यटन परिषद्ले विभिन्न संस्था एवं व्यक्तित्वहरुलाई सम्मान कार्यक्रमको आयोजना गरेको छ ।

परिषद्का अध्यक्ष सन्तोष पाँडेको अध्यक्षतामा आयोजित उक्त कार्यक्रममा सहभागी एवं सहयोगी संस्थाहरुलाई सम्मान गरेको हो ।

काठमाडौं महानगरपालिका वडा नं १६ का वडाध्यक्ष मुकुन्द रिजालको प्रमुख आतिथ्यतामा लकडाउनको अवधिमा विविध सामाजिक कार्यमा सहयोग पुर्याउने सञ्चार माध्यम, सुरक्षाकर्मी, विभिन्न संस्था र होटल व्यवसायी लगायतलाई सम्मान गरिएको थियो ।

सम्मान कार्यक्रममा होटल सञ्चालक चन्द्रविर कंसाकार, लोकबहादुर श्रेष्ठ, सोह्रखुट्टे प्रहरी बृत्तका प्रहरी निरीक्षक सुरेन्द्र धमला, सोह्रखुट्टे ट्राफिक कार्यालयका राजु भण्डारी, फेम्ली एण्ड फ्रेन्ड्सका रन्डल बलिङ, सञ्चारकर्मी कृष्ण कार्की, मणिराज गौतम र प्रशान्त प्रधानलाई सम्मान गरिएको थियो ।

उक्त कार्यक्रममा प्रमुख अतिथि रिजालले पश्चिम ठमेल पर्यटन परिषद्ले छोटो समयमा निभाएको सामाजिक उत्तरदायित्वको कार्यक्रमले आफू प्रभावित भएको र व्यवसायीको हितमा वडा कार्यालयले समन्वयकारी भूमिका निर्वाह गर्ने बताए ।

उक्त अवसरमा व्यवसायीलाई घरभाडा छुट दिएका लोकबहादुर श्रेष्ठ, चन्द्रविर कंसाकारलाई सम्मानित गरिएको थियो । श्रेष्ठले आफ्नो घरमा व्यवसाय सञ्चालन गर्दै आएका व्यवसायीलाई १ महिनाको पूरा भाडा र १ वर्षका लागि ५० प्रतिशत भाडा छुट दिएको जनाए ।

परिषद्को समन्वयमा यस्तो महामारीको बेला यस क्षेत्रका करिब ८० प्रतिशत घरधनीहरुले घरभाडामा छुट दिन सहमति भएको बताउँदै परिषद्का सहकोषाध्यक्ष राजेन्द्र कुँवरले सम्पूर्ण घरधनीहरुप्रति आभार व्यक्त गर्नुभएको छ ।

पश्चिम ठमेल कालधारा, सोह्रखुट्टे, पकनाजोल, क्षेत्रपाटी लगायतका स्थानलाई समेटेर व्यवसायीले हालै गठन गरेको संस्थाले छोटो समयमा नै सामाजिक कार्यलाई प्रमुख मुद्दा बनाएर विभिन्न सामाजिक कार्यक्रम, रक्तदान कार्यक्रम लगायतका कार्यक्रमहरु आयोजना गर्दै आएको छ ।

सम्पूर्ण विश्व नै विषम परिस्थितिबाट गुज्रिरहेको यस परिवेशमा परिषद्ले आफ्नो स्थानबाट स्थानीय, जनप्रतिनिधि र विभिन्न संस्थाहरुको सहयोगमा करिब २ महिनासम्म नियमित खानाको व्यवस्था गरेको थियो ।

 



Leave a Reply

Your email address will not be published. Required fields are marked *


%d bloggers like this: