राप्रपा नेता सुनिल थापा नेपाली कांग्रेसमा प्रवेश

२०७७, १३ श्रावण मंगलवार २२:३५


काठमाडौं: राष्ट्रिय प्रजातन्त्र पार्टी (राप्रपा)का संस्थापक नेता सूर्यबहादुर थापाका छोरा सुनिल थापा नेपाली कांग्रेसमा प्रवेश गरेका छन् ।

मंगलबार दिउँसो तीन बजे कांग्रेसको केन्द्रीय कार्यालय सानेपामा सुनिलसँगै राप्रपा परित्याग गरेकाहरु औपचारिक रुपमा नेपाली कांग्रेसमा प्रवेश भएका हुन् । सहमहामन्त्री र पाँच केन्द्रीय सदस्य पाउने गरी थापाको समूह कांग्रेसमा प्रवेश गरेको हो ।

कांग्रेस केन्द्रीय कार्यालय सानेपा र आयोजित कार्यक्रममा सभापति शेरबहादुर देउवाले थापा सहितका नेतालाई पार्टी सदस्यता सहित स्वागत गरे । लामो समय संयुक्त राष्ट्रसंघमा जागिरे जीवन बिताएर एक दशकअघि राजनीतिमा प्रवेश गरेका थापा पार्टी प्रवेशसँगै सहमहामन्त्री मनोनयन गरिएको सभापति देउवाले कार्यक्रममा जानकारी गराए ।

२०७० सालमा सम्पन्न संविधानसभा चुनावमा धनकुटाबाट निर्वाचित थापा तत्कालीन सुशील कोइराला नेतृत्वको सरकारमा आपूर्ति तथा वाणिज्यमन्त्री समेत भएका थिए । उनीसँगै कांग्रेस प्रवेश गर्नेमा राप्रपाका १९ जना केन्द्रीय तहका नेता पनि छन् । धनकुटास्थित राप्रपाको सबै तहका कार्यसमिति पनि कांग्रेसमा प्रवेश गरेका छन् ।

कांग्रेसले पूर्वगृहमन्त्री एवं पार्टीका पूर्व सहमहामन्त्री गोविन्दराज जोशी, पूर्व राज्यमन्त्री पुष्करनाथ ओझा र रामबहादुर विष्टलाई पार्टीबाट ‘आउट’ गरेको तीन दिनमै सुनिल थापा समूहको कांग्रेसमा ‘इन्ट्री’ अनौठो संयोग बन्न पुगेको छ ।

यता, राप्रपाले भने सुनिल थापाले पिता सूर्यबहादुर थापाको विरासतलाई निरन्तरता दिन नसकेको आक्षेप लगाएको छ । २०४६ सालको जनआन्दोलनले पञ्चायती शासन अन्त्य गरेसँगै पञ्चायती व्यवस्थामा शक्तिमा रहेकाहरुले २०४७ सालमा राष्ट्रिय प्रजातन्त्र पार्टी गठन गरेका थिए, यद्यपि व्यक्तित्वको टकरावका कारण पञ्चायती व्यवस्थाका दुई धारले अलग अलग पार्टी दर्ता गराएका थिए । त्यसमध्ये एउटा धारको नेतृत्व सूर्यबहादुर थापाले गरेका थिए भने अर्को धारको नेतृत्व लोकेन्द्र बहादुर चन्दले गरेका थिए ।

राप्रपाको संस्थापक अध्यक्ष सूर्यबहादुर थापाका छोरा सुनिलले पिताको त्यो राजनीतिक विरासतलाई त्यागेर काँग्रेसबाट आगामी राजनीतिक यात्रा तय गर्ने निधो गरेसँगै विभिन्न टिकाटिप्पणी भइरहेको छ ।


र यो पनि...

उपत्यकामा अतिआवश्यक बाहेकका सेवा तीन हप्ताका लागि बन्द, नीजि सवारीमा जोर-बिजोर प्रणाली लागू गर्न माग

नेपालमा कोरोना संक्रमणबाट थप पाँच जनाको मृत्यु

विज्ञानदेव पाण्डे नेपाली सेनाका सहायक रथीबाट उपरथीमा बढुवा

भदौ १५ गतेसम्म पुनः यातायात सञ्चालनमा रोक लगाउने सरकारको निर्णय, सीमा नाकामा थप कडाई गरिने

राष्ट्रिय वाणिज्य बैंकको खाँदबारीमा एक्सटेन्सन काउन्टर शुरु

पानीको माग गर्दै रुद्री पुजा

इसेवा एपबाट रकम पठाउँदा ५५ रुपैयाँ क्यासब्याक

देशभर कोरोना संक्रमितको संख्या २३ हजार ३ सय १० पुग्यो

गत २४ घण्टामा राजधानीमा थप ४४ जना कोरोना संक्रमित


Leave a Reply

Your email address will not be published. Required fields are marked *


%d bloggers like this: