राखेपको १९औं सदस्यसचिवमा रमेश सिलवाल नियुक्त

२०७७, १३ श्रावण मंगलवार ०९:१०


काठमाडौं: राष्ट्रिय खेलकुद परिषद्को १९औं सदस्यसचिवको रुपमा रमेशकुमार सिवाल नियुक्त भएका छन् ।

सोमबार बसेको मन्त्रीपरिषद्ले सिलवाललाई राखेपको सदस्यसचिवका लागि अनुमोदन गरेसँगै उनी राखेपको १९औं सदस्यसचिव बनेका हुन् ।

यसअघि २०७६ असार २३ गते राखेपको सदस्यसचिवमा नियुक्त भएका सिलवाल खेलकुद विकास ऐन २०७७ आएसँगै गत असार १७ गते पदमुक्त भएका थिए ।

अहिले आएको खेलकुद विकास ऐन २०७७ अनुरुप सिलवाल राखेपको सदस्यसचिवमा नियुक्त भएपछि खेलकुद ईतिहासको खुला प्रतिस्पर्धाबाट नियुक्त हुने पहिलो सदस्यसचिव समेत बनेका छन् ।

सिलवालले अब ४ वर्ष राखेप सदस्यसचिवको रुपमा कार्य गर्नेछन् । यस्तै १३औं सागको प्रचार प्रसार विभाग संयोजकको जिम्मेवारी निर्वाह गरेका शिव कोइराला राष्ट्रिय खेलकुद परिषद् (राखेप) को उपाध्यक्ष नियुक्त भएका छन् ।

सिलवालले यस अघिको करिब एक वर्ष लामो कार्यकालको दौरान चुनौति स्वरुप रहेको १३औं दक्षिण एशियाली खेलकुद (साग)को सफल आयोजना गरेका थिए । सोही कार्यकालमा नेपालले सागको ईतिहासमा सर्वाधिक स्वर्ण पदक ल्याउन सफल बनेको थियो ।

गत मंसिरमा नेपालमा आयोजना भएको सागमा नेपालले ५१ स्वर्ण पदक हासिल गरेको थियो ।

पुरानो खेलकुद ऐनलाई खारेज गर्दै आएको नयाँ खेलकुद ऐन अनुरुप सदस्यसचिव नियुक्तिका लागि युवा तथा खेलकुद मन्त्रालयले सदस्यसचिव पदका लागि असार २६ गते खुला दर्खास्त आह्वान गरेको थियो ।

सिलवालले चौथो दिन असार २९ गते आफ्नो दर्खास्त मन्त्रालयमा दर्ता गराएका थिए ।

सचिव रामप्रसाद थपलियाको संयोजकत्वमा मन्त्रालयले सदस्यसचिव छनौटका लागि सदस्यसचिव सिफारिस समिति गठन गरेको थियो । सोही समितिले साउन ७ गते खुला रुपमा आएको २७ जनाको दर्खास्त मध्ये सिलवालसहित राष्ट्रिय महिला भलिबल टोलीकी पूर्व कप्तान अन्जु श्रेष्ठ र लिलबहादुर थापामगरको नाम राखेप सदस्यसचिव पदका लागि मन्त्रालयलाई सिफारिस गरेको थियो ।


र यो पनि...

उपत्यकामा अतिआवश्यक बाहेकका सेवा तीन हप्ताका लागि बन्द, नीजि सवारीमा जोर-बिजोर प्रणाली लागू गर्न माग

नेपालमा कोरोना संक्रमणबाट थप पाँच जनाको मृत्यु

विज्ञानदेव पाण्डे नेपाली सेनाका सहायक रथीबाट उपरथीमा बढुवा

भदौ १५ गतेसम्म पुनः यातायात सञ्चालनमा रोक लगाउने सरकारको निर्णय, सीमा नाकामा थप कडाई गरिने

राष्ट्रिय वाणिज्य बैंकको खाँदबारीमा एक्सटेन्सन काउन्टर शुरु

पानीको माग गर्दै रुद्री पुजा

इसेवा एपबाट रकम पठाउँदा ५५ रुपैयाँ क्यासब्याक

देशभर कोरोना संक्रमितको संख्या २३ हजार ३ सय १० पुग्यो

गत २४ घण्टामा राजधानीमा थप ४४ जना कोरोना संक्रमित


Leave a Reply

Your email address will not be published. Required fields are marked *


%d bloggers like this: