विदेशमा रहेका ११ हजार ५ सय ८५ नेपाली स्वदेश फर्किए

२०७७, १५ असार सोमबार १९:४४


काठमाडौँ: विश्वभर महामारीको रुप लिएको कोरोना भाइरसका कारण विदेशमा रोजगारी गुमाएका नेपालीहरुको उद्धार कार्यक्रम अन्तर्गत आइतबारसम्म ११ हजार ५ सय ८५ जना नेपालीलाई उद्धार गरेको छ ।

अहिलेसम्म नेपाल सरकारले विभिन्न कारणले विदेशमा रोकिएका र पहिलो प्राथमिकतामा परेका नेपाली नागरिकहरुको अष्ट्रेलिया, अमेरिका, यूके, जापान, बंगलादेश लगायतका देशबाट उद्धार गरिरहेको र अन्य विभिन्न देशमा रहेका बाँकी नागरिकहरुको कार्यतालिका अनुसार उद्धार हुनेक्रम जारी रहेको परराष्ट्र मन्त्रालयले जनाएको छ ।

नेपाल सरकारले अहिले प्रवेशाज्ञाको अवधि समाप्त भएका, रोजगारी गुमाएका विद्यार्थी, छोटो अवधिका लागि भ्रमणमा गएका व्यक्ति, तालिम तथा सेमिनारमा भाग लिन गएका कर्मचारी, आफन्तको मृत्यु भई काजकिरिया गर्न आउनुपर्ने व्यक्ति तथा उपचारका लागि गएका बिरामी, आममाफी पाएर आउन नपाएका, कोरोना बाहेक अन्य कारणले अस्वस्थ रहेका, सुत्केरी तथा गर्भवती, बालबालिका, ज्येष्ठ नागरिक र अपाङ्गता भएका व्यक्तिहरुको उद्धार गरिरहेको र विदेशबाट ल्याइएका नेपालीहरुलाई सेनाले संयोजन गरेर होल्डिङ सेन्टरमा राख्ने र स्थानीय तहलाई जिम्मा लगाउने काम गरिरहेको मन्त्रालयले जनाएको छ ।

युएईबाट बुधबारसम्म २ हजार १७ जना, कुवेतबाट २ हजार २, साउदीबाट १ हजार २ सय १८, मलेसियाबाट ९ सय २१, बंगलादेशबाट ८ सय १५ र कतारबाट ६ सय ३८, अफगानिस्तानबाट १८, अष्ट्रेलियाबाट ४ सय ८३, ओमानबाट ३ सय १३, म्यानमारबाट २६, जापानबाट ४ सय ९२, थाइल्याण्डबाट ३ सय २६, दक्षिण कोरियाबाट २ सय २८, माल्दिभ्सबाट ६ सय ४, श्रीलंकाबाट ५, सिङ्गापुरबाट १ सय ४६, हङ्कङबाट ८९, पाकिस्तानबाट ७२, बहराईनबाट ४ सय २०, अमेरिकाबाट ५ सय २३, बेलायतबाट २ सय २९ गरी हालसम्म जम्मा ११ हजार ५ सय ८५ नेपाली स्वदेश फर्किएको मन्त्रालयले जनाएको छ ।

नेपालमा कोरोना भाइरस नियन्त्रणका लागि लकडाउन जारी भएपछि मात्रै वैदेशिक रोजगारीमा गएका ३ सय १८ जना नेपालीको ज्यान गएको बैदेशिक रोजगार बोर्डले जनाएको छ । बोर्डका अनुसार पछिल्लो समय लकडाउन खुकुलो भएसँगै ८७ वटा शव नेपाल ल्याइएको बताएको छ ।


र यो पनि...

धुँवा रहित उद्योग संचालन: धुनिवेशी नगरपालिका

बाढीले डाइभर्सन बगाउँदा पूर्वपश्चिम राजमार्ग अवरुद्ध

प्रधानमन्त्री केपी शर्मा ओलीले शुक्रबार देशवासीका नाममा गरेको सम्बोधनको पूर्णपाठ सहित

सक्रिय मनसुनका कारण देशभर ३३ जनाको मृत्यु, दर्जनौं घाइते र बेपत्ता, सचेत रहन  जल तथा मौसम विभागको आग्रह

अविरल वर्षाका कारण सप्तकोसी नदीमा यस वर्षकै उच्च बहाव, सतर्कता अपनाउन खतराको संकेत रातो बत्ती बालियो

पहिरोमा परि पोखरामा ६ जनाको मृत्यु, ११ जना घाइते, नेपाल प्रहरी, शसस्त्र प्रहरी, नेपाली सेना र स्थानीयद्वारा घाइतेको उद्धार

प्रिमियर लिग फुटबलमा एस्टन भिल्लामाथि म्यान्चेष्टर युनाईटेडको शानदार जित

ला लिगामा एथ्लेटिको बिल्बाओमाथि सेभिल्लाको जित

इंग्लिस प्रिमियर लिग फुटबलमा बराबरीमा रोकियो टोटेनहम


Leave a Reply

Your email address will not be published. Required fields are marked *