विश्वभर कोरोना भाइरस संक्रमणका कारण साँढे पाँच लाखभन्दा बढीको मृत्यु, एक करोडभन्दा बढी संक्रमित


एजेन्सी: विश्वभर कोरोना भाइरसको संक्रमणबाट एक करोडभन्दा बढी मानिस संक्रमित भएका छन् । एकै दिन १ लाख ७५ हजार २ सय ६७ जना संक्रमित भएसँगै विश्वभर संक्रमितको संख्या १ करोड ८२ हजार ६ सय १८ पुगेको छ ।

विश्वभर पछिल्लो २४ घण्टामा मृत्यु हुनेको संख्या ४ हजार ५ सय ४६ छ । योसँगै मृत्यु हुनेको संख्या ५ लाख ६ सय २५ पुगेको छ । विश्वका २ सय १३ मुलुक र २ पानीजहाजमा फैलिएको संक्रमणबाट उपचारपछि निको हुनेको संख्या ५४ लाख ५१ हजार ९ सय ८४ पुगेको छ भने ४१ लाख २१ हजारभन्दा बढीको उपचार भइरहेको छ ।

कोरोना भाइरसकै संक्रमणबाट युरोपियन मुलुकहरूमा १ लाख ९० हजार ४ सय ६९ जनाको मृत्यु भएको छ । २४ लाख १ हजार ४ सय ५२ जना संक्रमित भएकोमा १३ लाख ४१ हजार ३ सय ८४ जना संक्रमणमुक्त भएका छन् ।

उत्तर अमेरिकी मुलुकहरुमा १ लाख ६५ हजार १ सय ८ जनाको मृत्यु भएको छ । संक्रमितको संख्या ३० लाख २१ हजार ३ सय ४२ पुगेको छ । त्यसमध्ये १३ लाख १२ हजार ८ सय ५ जना संक्रमणमुक्त भएका छन् ।

यस्तै एसियाली मुलुकहरुमा ५३ हजार ८ सय ७२ जनाको मृत्यु भएको छ । २१ लाख ६४ हजार ६ सय ४४ जना संक्रमित भएकोमा १४ लाख ४ हजार ५ सय ८७ जना संक्रमणमुक्त भएका छन् । दक्षिण अमेरिकी मुलुकहरूमा ८१ हजार २ सय ६ जनाको मृत्यु भएको छ । २१ लाख १ हजार ७ सय ८६ संक्रमित भएकोमा १२ लाख २ हजार ८ सय ८ जना संक्रमणमुक्त भएका छन् ।



Leave a Reply

Your email address will not be published. Required fields are marked *


%d bloggers like this: