स्याङ्जा ५ र पर्वतमा ५ जनामा कोरोना भाइरस संक्रमण पुष्टि, संक्रमितको संख्या १ हजार ८ सय २१ पुग्यो

२०७७, २० जेष्ठ मंगलवार ०८:०९


काठमाडौं: स्याङ्जा र पर्वत जिल्लामा ५/५ जनामा कोरोना भाइरस संक्रमण पुष्टि भएको छ । स्वास्थ्य निर्देशनालय, गण्डकी प्रदेश पोखराका अनुसार स्याङ्जाको चापाकोट नगरपालिकास्थित क्वारेन्टाइनमा बसेका बर्ष २२, २६, ३२ र ४० का ४ जना पुरुष र बिरुवा गाउँपालिका ठेगाना भई सोही पालिकास्थित क्वारेन्टाइनमा बसेका बर्ष २० का १ जना पुरुषमा कोरोना पुष्टि भएको हो ।

यसैगरी, पर्बतको फलेबास नगरपालिका ठेगाना भएका कुश्मा नगरपालिकास्थित क्वारेन्टाइनमा बसेका बर्ष २० र ४० का २ जना पुरुष र सोही जिल्ला महाशिला गाउँपालिका ठेगाना भई कुश्मा नगरपालिकास्थित क्वारेन्टाइनमा बसेका बर्ष १९, २० र २१ का ३ जना पुरुषमा समेत गरि पर्बत जिल्लामा ५ जनामा कोरोना संक्रमणको पुष्टि भएको हो । योसँगै गण्डकी प्रदेशमा कोरोना संक्रमितको संख्या ३७ पुगेको छ ।

सोमबारसम्म नेपालमा १ हजार ८ सय ११ जना कोरोना संक्रमण पुष्टि भएकोमा योसँगै संक्रमितको संख्या १ हजार ८ सय २१ पुगेको छ । संक्रमित मध्ये २ सय २१ जना निको भएर घर फर्किसकेका छन् भने ८ जनाको कोरोना संक्रमणबाट मृत्यु भएको छ ।


Leave a Reply

Your email address will not be published. Required fields are marked *