एमसीसी सम्झौता राष्ट्रहित विपरित हुने भन्दै युवा कम्युनिष्ट लिगले निकाल्यो विज्ञप्ती

२०७७, १९ जेष्ठ सोमबार २३:५३


काठमाडौं: वर्तमान सरकारले राष्ट्रहित विपरित अमेरिकासँग एमसीसी सम्झौता गर्न लागि परेको भन्दै युवा कम्युनिष्ट लिग (वाईसिएल)ले गम्भीर ध्यानाकर्षण गराउँदै एक विज्ञप्ती जारी गरेको छ । भारतसँगको महाकाली सम्झौतापछि फेरि अमेरिकासँग अर्को राष्ट्रघाती एमसीसी सम्झौता गर्न लागेकोमा गम्भीर ध्यानाकर्षण भएको विज्ञप्तीमा उल्लेख छ ।

मुलुक कोरोना महामारीसँग लडिरहेको यस दु:खद् घडीमा नेपालले अर्को महामारी राष्ट्रघातसँग लड्नुपर्ने बाध्यता सिर्जना गरेको भन्दै युवा कम्युनिष्ट लिगले विज्ञप्तीमा भनेको छ- ‘२०१६ सालबाट केही लेण्डुप दोर्जेहरु कमिसनको लागि एकपछि अर्को गर्दै निरन्तर विदेशीहरुसँग असमान सन्धी सम्झौता गरेर आजसम्म कसैको प्रत्यक्ष उपनिवेशमा नरहेको हाम्रो देशलाई पराधीनताको मुखमा पुर्याउँदै छन् ।’ प्रकश राई (गौरव)को हस्ताक्षरित विज्ञप्तीमा भनिएको छ ।


Leave a Reply

Your email address will not be published. Required fields are marked *