बुन्डेसलिगामा पेडरबर्नमाथि डर्टमण्डको शानदार जित

२०७७, १९ जेष्ठ सोमबार ०८:१९


एजेन्सीः बुन्डेसलिगाको दोश्रो खेलमा बोरुसीया डर्टमण्डले घरेलु टिम पेडरबर्नमाथि ६–१ को सहज जित जित निकालेको छ । जेडन सान्चोको दोश्रो हाफको ह्याट्रिक गोलको मद्दतमा डर्टमण्डले दोश्रो स्थानलाई मजबुत बनाएको छ ।

खेलको दोश्रो हाफमा डर्टमण्डले आक्रामक खेल पस्कदै अंक तालिकाको आफ्नो दोश्रो स्थानलाई थप मजबुत बनाएको हो । यी दुईबिचको पहिलो हाफ गोलरहित बराबरीमा टुङ्गिएको थियो । खेलको ५४औं मिनटमा थोर्गन हजार्डले गोल गर्दे डर्टमण्डको गोलको खाता खोलेका थिए । यसको तिन मिनट नबित्दै ५७औं मिनटमा सान्चोले आफ्नो ब्यक्तिगत पहिलो गोल गर्दै डटमण्डलाई २–० को अवस्थामा पुर्याए । यसपछि ७२औं मिनटमा पेडरबर्नका लागि डर्टमण्डका पूर्व डिफेन्डर उवी हुनिमिएरले पेनालटीमा गोल गर्दै गोल अन्तर २–१ मा पुर्याए ।

खेलको ७४औं मिनेटमा सान्चोले १८ यार्डबाट गरेको प्रहार गोलमा परिणत भयो । ८५औं मिनेटमा हकिमीले डटमण्डका लागि चौथो तथा ८९औं मिनटमा सब्स्टिट्युड खेलाडी मार्सेल स्मेल्जरर्ले कसेल विट्सेलको क्रसलाई सदुपयोग गर्दै गोलमा परिणत गरे । यसपछि निर्धारित समयपछि थपिएको ईन्ज्युरी टाईमको पहिलो मिनटमा सान्चोले गाउल गर्दै आफ्नो ह्याट्रिक पुरा गरे । जितसँगै डर्टमण्डले वायर्नसँगको अंक दूरी सातमा घटाएको छ ।


Leave a Reply

Your email address will not be published. Required fields are marked *