बुन्डेसलिगा फुटबलमा बायर्न म्युनिखको फराकिलो जित

२०७७, १८ जेष्ठ आईतवार ११:०२


एजेन्सीः जर्मन बुन्डेसलिगा फुटबलमा शीर्ष स्थानको बायर्न म्युनिखले फराकिलो जित निकालेको छ । शनिबार राति भएको खेलमा बायर्नले फोर्टुना डुसलडोर्फलाई ५-० गोल अन्तरले पराजित गरेको हो ।

घरेलु मैदानमा बायर्नलाई जित दिलाउन रोबर्टो लेवान्डोस्कीले दुई गोल गरे । यस्तै बेन्जामिन पाभर्ड र अल्फान्सो डेभिसले एक एक गोल गरे । बायर्नले एक गोल आत्मघाती गोलको उपहार पाएको थियो । खेलको १५औं मिनेटमा डुसलडोर्फका माथिआस जोर्गेनसनको आत्मघाती गोलबाट बायर्नले अग्रता बनाएको थियो ।

२९औं मिनेटमा पाभर्डले गोल गर्दै बायर्नलाई दोब्बर बनाए । ४३औं मिनेटमा लेवान्डोस्कीले गोल गरेपछि पहिलो हाफमा बायर्न ३-० ले अघि रह्यो । ५०औं मिनेटमा लेवान्डोस्कीले व्यक्तिगत दोस्रो गोल गर्दा बायर्न ४-० ले अघि रह्यो । त्यसपछि खेलको ५२औं मिनेटमा डेभिसले गोल गर्दै बायर्नलाई ५-० को फराकिलो जित दिलाए । यस जितसँगै कोरोनाको कारण स्थगित लिग सुचारुपछि बायर्नले लगातार तेस्रो जित निकाल्न सफल भएको छ ।


One response to “बुन्डेसलिगा फुटबलमा बायर्न म्युनिखको फराकिलो जित”

Leave a Reply

Your email address will not be published. Required fields are marked *