1. Home
  2. /
  3. खेलकुद, मुख्य खबर
  4. /
  5. सन्दीप लामिछानेको टोली कर्नाटका...

सन्दीप लामिछानेको टोली कर्नाटका टुसकेर्सको विजयी सुरुवात

२०७६, १ मंसिर आईतवार ०७:१८


काठमाडौं: नेपाली राष्ट्रिय क्रिकेट टिमका लेग स्पिनर सन्दीप लामिछाने रहेको टिम कर्नाटका टुसकेर्सले युएईमा जारी टी-१० क्रिकेट लिगमा विजयी सुरुवात गरेको छ । आबु धाबीमा हिजो भएको पहिलो खेलमा दिल्ली बुल्सलाई १९ रनले पराजित गर्दै कर्नाटकाले विजयी सुरुवात गरेको हो ।

शेख जायद स्टेडियममा कर्नाटकाले दिएको १ सय ११ रनको लक्ष्यसहित जवाफी ब्याटिङ गरेको बुल्सले १० ओभरमा ८ विकेट गुमाएर ९१ रन मात्र बनाउन सक्यो । बुल्सका लागि एन्जेलो म्याथ्युले सर्वाधिक ३१ रन जोड्दा कप्तान इयान मोर्गनले २१ रन बनाए । बुल्सलाई सस्तैमा समेट्न नाथन रिमिङटनले ३ विकेट लिए । पाट ब्राउन र अहमेद राजाले २/२ विकेट लिए । बुल्सविरुद्ध सन्दीपले २ ओभर बलिङ गर्दै १ विकेट लिए । सन्दीपले आफ्नो पहिलो ओभरको पहिलो बलमै मुहमद उस्मानलाई ८ रनमा आउट गरेका थिए ।

टस हारेर पहिले ब्याटिङ गरेको कर्नाटकाले १० ओभरमा ५ विकेट गुमाएर १ सय १० रन बनाएको थियो । कर्नाटकाका लागि उपुल थरंगाले सर्वाधिक ४८ रन बनाए । यस्तै सफिकउल्लाहले ३४ तथा जोनसन चार्ल्सले १३ रन बनाए । ब्याटिङतर्फ सन्दीप सुन्य रनमा अविजित रहे । बुल्सका रबी रामपालले २ विकेट लिए । जितसँगै समूह ‘ए’ को कर्नाटकाले १ खेलमा २ अंक जोडेको छ । र, कर्नाटका तेस्रो स्थानमा छ । बुल्स २ खेलमा २ अंक जोडेर दोस्रो स्थानमा छ ।


Leave a Reply

Your email address will not be published. Required fields are marked *