1. Home
  2. /
  3. खेलकुद, ब्रेकिङ न्युज, मुख्य खबर
  4. /
  5. अनुशासनहीन कार्य गरेको भन्दै...

अनुशासनहीन कार्य गरेको भन्दै राष्ट्रिय फुटबल टोलीका स्ट्राइकर विमल घर्तीमगर सहित चार खेलाडी बर्खास्त

२०७६, १ मंसिर आईतवार ०७:१६


काठमाडौं: नेपाली राष्ट्रिय फुटबल टिमका ४ खेलाडी बर्खास्त भएका छन् । अखिल नेपाल फुटबल संघ एन्फाको अनुसाशन कमिटीले विमल घर्ती मगरसहित ४ खेलाडीलाई राष्ट्रिय टोलीबाट अनिश्चितकालका लागि बर्खास्त गरेको हो ।

बर्खास्त भएकामा फरवार्ड विमल घर्तीमगर, मिडफिल्डर अन्जन विष्ट, सन्तोष तामाङ र डिफेन्डर दिनेश राजवंशी रहेका छन् । उनीहरु एन्फाको अनुमति बिना शुक्रबार राती ठमेलस्थित एक डिस्को बार गएको खबर बाहिर आएपछि राष्ट्रिय टोलीबाट बर्खास्तीमा परेका हुन् । कारबाहीमा परेका चारै जनाले भुटानमा हुन लागेको कुवेतविरुद्धको विश्वकप क्वालिफायर खेल गुमाएका छन् ।

यसअघि पनि विमल राष्ट्रिय टिमको बन्द प्रशिक्षणमा रहँदा रातको समयमा डिस्कोमा गएर अनुशासनहिन कार्य गरेको भेटिएको थियो । बर्खास्तीमा परेका ४ खेलाडीको स्थानमा एक जना सुवास गुरुङलाई एन्फाले भुटान पठाएको छ । यस अघि एन्फाले फिफा विश्वकप क्वालिफाएर अन्तर्गत कुवेत बिरुद्घको खेलका लगि भुटान जाने राष्ट्रिय टोलीलाई बिदाई गरेको थियो ।

 


Leave a Reply

Your email address will not be published. Required fields are marked *