1. Home
  2. /
  3. मुख्य खबर, विदेश
  4. /
  5. फ्रान्समा अत्याधिक हिमपात, एक...

फ्रान्समा अत्याधिक हिमपात, एक जनाको मृत्यु, झण्डै तीन लाख घरमा विद्युत सेवा अवरुद्ध

२०७६, ३० कार्तिक शनिबार ०९:३३


एजेन्सी: अत्याधिक हिमपातका कारण फ्रान्सको दक्षिणपूर्वी क्षेत्रमा एक जनाको मृत्यु भएको छ । हिमपातकै कारण अरु तीन लाखभन्दा बढी स्थानीय घरमा विद्युत सेवा अवरुद्ध भएको अधिकारीहरुले जनाएका छन् । बाटोमा ढलेको रुख र हिउँ हटाउने क्रममा अर्को रुख ढलेर किच्दा एक बृद्धको मृत्यु भएको अधिकारीहरुले जनाएका छन् ।

हिउँका कारण बाटो पनि अवरुद्ध भएको र बाटोबाट हिउँ हटाउने काम पनि भइरहेको समाचारमा जनाइएको छ । यस क्षेत्रका झण्डै तीन लाख घरमा विद्युत सेवा अवरुद्ध भएको एक सरकारी अधिकारीले जनाएका छन् । विषेशगरेर ड्रोम, अर्डेच, इसेर, ल्योन र ग्रेनोबललगायतका क्षेत्रमा हिमपातका कारण बढी असर परेको र विद्युत सेवा अवरुद्ध भएको बताएको छ । हिमपातका कारण यसरी ठूलो क्षेत्रमा विद्युत सेवा अवरुद्ध भएको यो अपवादको घटना भएको अधिकारीहरुको भनाई छ । त्यस क्षेत्रमा झण्डै एक फिटसम्म हिउँ जमेको जनाईएको छ ।


Leave a Reply

Your email address will not be published. Required fields are marked *