यमपञ्चकको तेस्रो दिन आज कुकुर तिहार, घर घरमा सुरक्षा गर्ने कुकुरको पूजा गरी कुकुर तिहार मनाइँदै

२०७६, १० कार्तिक आईतवार ०७:००


काठमाडौं: नेपालीको दोस्रो ठूलो चाड तिहारको तेस्रो दिन आज घर घरमा सुरक्षा गर्ने कुकुरलाई मीठामीठा खानेकुरा खान दिएर कुकुरको पूजा गरी कुकुर तिहार मनाइँदैछ । कुकुर तिहार यमपञ्चक अर्थात् दीपावली पर्वको दोस्रो दिन पर्ने भए पनि यस वर्ष तिथिको घटबढका कारण तेस्रो दिन पर्न गएको नेपाल पञ्चाङ्ग निर्णायक समितिले जनाएको छ ।

कार्तिक कृष्ण चतुर्दशीका दिन कुकुरलाई मीठामीठा परिकार खान दिएर यमराजको ढोकामा द्वारपालका रुपमा बस्ने श्याम र सबल नामका कुकुरले यमलोक जाँदा बाटो छोडिदिने धार्मिक विश्वास छ । वैवस्वत मन्वन्तरको कुलमा जन्मिएको कुकुरले धर्मराज युधिष्ठिरलाई स्वर्ग यात्रामा समेत साथ दिएको धार्मिक विश्वास छ । कुकुरलाई आज्ञापालक र सुरक्षामा भरपर्दो घरपालुवा जनावरका रुपमा लिइन्छ ।

आज बिहानै अरुणोदयकालमा नदी वा तलाउमा गई स्नान, तर्पण गरेर यमदीप दक्षिण फर्काएर बाली बगाउनाले मृत्युपश्चात् नरकको दर्शन गर्नु नपर्ने धार्मिक विश्वासका कारण नरक चतुर्दशीमा नुहाउने विधिसमेत रहेको छ । यमपञ्चक अर्थात् तिहारका पाँचै दिन तिलको तेल लगाएर स्नान गर्ने प्रचलन छ । यसो गरेमा शरीर स्वस्थ हुने आयुर्वेदिक मान्यता रहेको छ ।।


र यो पनि...

विदेशमा अलपत्र नेपाली स्वदेश फर्काउने सरकारको निर्णय, भारतबाट स्थलमार्ग हुँदै नेपाल आउने २० नाका तोकियो

टिकटकलाई टक्कर दिन फेसबुकले ल्यायो नयाँ एप कोल्याब

नेपालमा कोरोना संक्रमणबाट छैठौं व्यक्तिको मृत्यु, थप १७० जनामा कोरोना पुष्टि, संक्रमितको संख्या १२१२ पुग्यो

१३औं सागमा स्वर्ण पदक जित्न सफल सबै खेलाडीले आजिवन भत्ता पाउने

अबको डेढ वर्षभित्र मुलपानी क्रिकेट रंगशालाको निर्माण सम्पन्न हुने

बुन्डेसालिगमा आज फ्रेबर्ग र लेभरकुसेन भिड्दै

रौतहटमा प्रहरीद्वारा १२ राउण्ड हवाई फायर, कोरोना संक्रमितलाई आइसोलेसनमा लान खोज्दा झडप

आज मे २९ अर्थात अन्तर्राष्ट्रिय सगरमाथा दिवस, झण्डै तीन महिना झकिझकाउ हुने सगरमाथाको आधारशिविर सुनसान

नेपाली सेनाद्वारा भारतीय सञ्चारमाध्यमको खण्डन गर्दै विज्ञप्ती जारी, सरकारको निर्देशन पालना गर्न कटिवद्ध छौं


Leave a Reply

Your email address will not be published. Required fields are marked *