1. Home
  2. /
  3. देश, प्रदेश्, ब्रेकिङ न्युज, मुख्य खबर, समाचार
  4. /
  5. बहुचर्चित नागढुङ्गा-सिस्नेखोला सुरुङमार्ग आज...

बहुचर्चित नागढुङ्गा-सिस्नेखोला सुरुङमार्ग आज प्रधानमन्त्री केपी शर्मा ओलीद्वारा शिलान्यास हुँदै

२०७६, ४ कार्तिक सोमबार ०७:५१


काठमाडौं: राजधानी भित्रिने मुख्य नाकाका रूपमा रहेको बहुचर्चित नागढुङ्गा-सिस्नेखोला सुरुङमार्ग आज शिलान्यास हुने भएको छ । प्रधानमन्त्री केपी शर्मा ओलीले आज दिउँसो ३ बजे सुरुङमार्गको शिलान्यास गर्ने कार्यक्रम तय भएको नागढुङ्गा-नौबिसे सुरूङमार्ग आयोजनाले जनाएको छ ।

प्रधानमन्त्री ओलीले सुरूङ मार्गको मूख्य प्रवेशद्वार(टनेल होल) काठमाडौं निर्वाचन क्षेत्र नं ९ अन्तर्गत पर्ने चन्द्रागिरि नगरपालिका-१ दहचोकमा शिलान्यास गर्ने कार्यक्रम रहेको प्रधानमन्त्री तथा मन्त्रिपरिषद्को कार्यालयले जानकारी दिएको छ ।

साढे तीन बर्षभित्र निर्माण सक्ने लक्ष्य लिइएको आयोजना पुरा हुन २२ अर्ब रुपैयाँ खर्च हुनेछ । जापानी अन्तर्राष्ट्रिय सहयोग नियोग जाइकाको सहुलियत ऋण सहयोगमा सो सुरुङमार्गको निर्माण हुन लागेको हो । करिब २२ अर्ब रुपियाँको लगानीमा निर्माण हुन लागेको सो सुरुङमार्गमा जाइकाले १६ अर्ब रुपियाँ सहयोग गर्नेछ भने छ अर्ब रुपियाँ नेपाल सरकारले आन्तरिक स्रोतबाट बेहोर्ने छ ।

प्रवेश मार्गसहित ५ दशमलब ५६ किलोमिटर सुरुङ मार्ग निर्माणले नेपालको पूर्वाधार विकासमा महवपूर्ण योगदान पुग्ने विश्वास गरिएको छ । आयोजनाले तोकेको शर्त अनुसार यो सुङमार्ग प्रवेशका लागि त्रिभुवन राजपथबाट काठमाडौंतर्फ थानकोटको बस्नेत छापसम्म २ दशमलब ३० किमि र धादिङतर्फ धुनिबेसीको सिस्नेखोलाबाट पाँच सय ६५ मिटर पक्की सडक बनाउनुपर्नेछ ।

दहचोकदेखि-सिस्ने खोलासम्म सुरुङको लम्बाइ २ दशमलब ६ सय ८८ किलोमिटर चौडाइ ९ दशमलब ५ मिटर तथा उचाइ १८ मिटर हुनेछ । यो सडकले नागढुंगाबाट घुमेर जानुपर्ने बाटोको समय कम्तीमा ३० मिनेट बचत गर्नेछ । सडकको लम्बाइ आठ किलोमिटर कम हुनेछ । सुरुङमार्ग निर्माणपछि थानकोटबाट १० मिनेटमा नौविसे पुग्न सकिनेछ ।


र यो पनि...

भारतले सार्वजानिक गरेको नयाँ नक्सा सच्याउन युवा कम्युनिष्ट लिगद्वारा विज्ञप्ती जारी, कुटनीतिक पहलबाट समस्याको समाधान गर्न नेपाल सरकारलाई आग्रह

आज हरिबोधिनी एकादशी नदी तथा जलाशयमा भक्तजनको भीड, तुलसीको विवाह गर्ने दिन

आजदेखि दुई दिने ‘प्रथम मुलखर्क भिमसेनस्थान साँस्कृतिक महोत्सव-२०७६’ हुँदै

भारतीय पक्षबाट नेपालको सीमा मिचिएकोमा वाईसिएलका उपाध्यक्ष प्रकाश राईको कडा आपत्ति

तिहारको मूख्य दिन आज भाईटीका, टीकाको शुभ-साईत ११ बजेर ५५ मिनेटमा उत्तम

नयाँ वर्ष नेपाल संवत् ११४० आजबाट सुरु

म्यानमारमा ४० सुरक्षाकर्मीको अपहरण

पाकिस्तानी पूर्वप्रधानमन्त्री नवाज सरीफलाई हृदयाघात

चेल्सीको सहज जित, बर्नली ४-२ गोल अन्तरले पराजित


Leave a Reply

Your email address will not be published. Required fields are marked *