1. Home
  2. /
  3. खेलकुद, मुख्य खबर
  4. /
  5. एक दिवशीय सिरिजको दोस्रो...

एक दिवशीय सिरिजको दोस्रो खेलमा पाकिस्तान विजयी, श्रीलंका ६७ रनले पराजित

२०७६, १४ आश्विन मंगलवार ०९:०६


एजेन्सी: एक दशकपछि पहिलो पटक अन्तर्रा्ष्ट्रिय टिमसँग घरेलु मैदानमा सिरिज खेलेको पाकिस्तानले जितबाट शुरुवात गरेको छ । श्रीलंकाविरुद्धको एक दिवशीय सिरिजको दोस्रो खेलमा पाकिस्तान विजयी भएको छ ।

एक दशकपछि पहिलो पटक अन्तर्रा्ष्ट्रिय टिमसँग घरेलु मैदानमा सिरिज खेल्न पाएको पाकिस्तानले पाहुना टोली श्रीलंकालाई ६७ रनले पराजित गर्यो । जितसँगै पाकिस्तानले तीन खेलको सिरिजमा १-० को अग्रता लिएको छ । यसअघि पहिलो खेल भारी वर्षका कारण रद्द भएको थियो । पाकिस्तानले दिएको ३ सय ६ रनको लक्ष्य पछ्याउने क्रममा श्रीलंका ४६ दशमलब ५ ओभरमा २ सय ३८ रनमा अलआउट भयो । २८ रनमा पाँच विकेट गुमाएको श्रीलंकाका लागि शेहान जयसुरिया र दासुन शेनाकाले छैटौं विकेटका लागि उत्कृष्ट साझेदारी गरे । उनीहरुले १७७ रनको पार्टनरसिप गरेका थिए । ब्यक्तिगततर्फ जयसुरियाले ९६ रन बनाए भने शनाकाले ६८ रन जोडे ।

श्रीलंकाबिरुद्ध जित निकाल्ने क्रममा पाकिस्तानका उश्मान सिनवारीले उत्कृष्ट बलिङ गर्दै पाँच विकेट लिए । कराँचीमा भएको खेलमा टस जितेर पहिले ब्याटिङ गरेको घरेलु टिमले ५० ओभरमा सात विकेट गुमाउँदै ३०५ रन बनायो । उसका लागि बाबर अजामले सतकीय पारी खेले । उनले १०५ बलमा ११५ रनको योगदान दिए । यस्तै फखर जमानले ५४ रन जोडे भने हरिस सोहिलले ४०, इफ्तिकर अहमेदले ३२, इमाम उल हकले ३१ बनाए । दुई टिमबीचको तेस्रो खेल बुधबार हुनेछ ।


र यो पनि...

६४औं प्रहरी दिवस २०७६ सम्पन्न, प्रहरी महानिरीक्षक सर्वेन्द्र खनालबाट कदरपत्र तथा पुरस्कार वितरण {फोटो सहित}

६४औं प्रहरी दिवस सम्पन्न, प्रधानमन्त्री केपी शर्मा ओलीद्वारा अमर प्रहरी स्मारकमा पुष्पहार अर्पण

बडादशैंको पाँचौ दिन आज स्कन्दमाता भगवतीको पूजाआजा गरिँदै

बारामा सेफ्टी टंकीभित्र निसासिएर एकै परिवाको पाँच जनाको मृत्यु

नेपाल-भारत सीमानाका बैतडीको झुलाघाट आजदेखि तीन दिनका लागि बन्द

विपक्षी सांसदप्रति अमेरिकी राष्ट्रपतिको आपत्तिजनक टिप्पणी

सेवा र रोजगारीको अवसर कम भएको विरोधमा इराकमा सरकार विरोधी प्रदर्शन

बायर्न म्युनिखद्वारा टोटेनहम हस्टपर ७-२ गोल अन्तरले पराजित

रियल मड्रिड र बेल्जियमको क्लब ब्रुगले खेले बराबरी


Leave a Reply

Your email address will not be published. Required fields are marked *