यूएइमा भएको बस दुर्घटनामा परि ६ नेपाली नागरिकसहित ८ जनाको मृत्यु

२०७६, १४ आश्विन मंगलवार ०९:०४


काठमाडौं: यूएइको दुबईमा भएको बस दुर्घटनामा परि ज्यान गुमाउने नेपाली नागरिकको संख्या ६ पुगेको छ । फर्स्ट सेक्युरेटी कम्पनीमा काम गर्ने सुरक्षा कामदार बोकेको मिनिबस सोमबार दुबईको शेख मोहमद विन जाहेद सडकमा लरीमा ठोक्किएर दुर्घटनाग्रस्त हुँदा ६ जना नेपाली नागरिकसहित ८ जनाको ज्यान गएको हो ।

दुर्घटनामा परी ज्यान जानेमा एक पाकिस्तानी नागरिक र एक भारतीय नागरिक रहेका छन् । ज्यान जाने नेपालीहरुमा रमेश चौधरी, दानबहादुर सत्याल, कृष्णबहादुर पुन, नारायणप्रसाद पोखरेल, दीपक विक र नयराम साउद रहेको यूएईस्थित नेपाली दूतावासका श्रम काउन्सुलर भेषबहादुर कार्कीले जानकारी दिनुभयो । दुर्घटनामा परि ज्यान गुमाउने नेपालीहरुको नेपालस्थित ठेगाना भने खुलेको छैन ।

दुबई प्रहरीका अनुसार घाइतेमध्ये ५ भारतीय र एक जना बंगलादेशी नागरिक छन् । घाइतेमध्ये ४ जनाको अवस्था गम्भीर रहेको र सबैलाई उपचारको लागि दुबईमा रहेको अल रसिद अस्पतालमा पुर्याइएको छ । दुर्घटनामा परी ज्यान गुमाउने नेपालीहरुको थप विवरणको खोजी कार्य जारी रहेको युएईस्थित श्रमा काउन्सिलरले जनाएको छ ।


र यो पनि...

नेपाल बैंकको नयाँ कर्जा योजनामा ७.९९ प्रतिशत ब्याजदरमा घरकर्जा

माछापुच्छ्रे र सिद्वार्थ बिजिनेश ग्रुपबीच ग्राहकलाई छुट प्रदान गर्ने सम्झौता

मान्छेहरु कोरोनाप्रति एकदमै गैह्र जिम्मेवार, काम गरेको जसै दिँदैनन्: प्रधानमन्त्री ओली

नेपालमा थप २५९ जनामा कोरोना संक्रमण, संक्रमितको संख्या २१ हजार ९ पुग्यो, उपत्यकामा ६२ जनामा कोरोना संक्रमण

ग्लोकल अनलईन लर्निंग फेस्टिवल २०२० समापन

एनएमबि बैंक लिमिटेड मादमे खोला जलविद्युत आयोजनाको मुख्य लगानीकर्ता

पश्चिम ठमेल पर्यटन परिषद्वारा विभिन्न संस्था एवं व्यक्तित्वहरु सम्मानित

नेपाल बैंकको नयाँ कर्जा योजना

नयाँ शैक्षिक सत्र पाँच महिना धकेली सक्दा पनि सरकारको तयारी जहाँको त्यहिँ


Leave a Reply

Your email address will not be published. Required fields are marked *


%d bloggers like this: