प्रधानमन्त्री ओलीले आज प्रतिनिधिसभामा सम्बोधन गर्ने, प्रधानमन्त्रीलाई सांसदहरुले प्रश्न गर्ने कार्यसुची

२०७६, २ आश्विन बिहीबार ०९:००


काठमाडौं: प्रधानमन्त्री केपी शर्मा ओलीले आज प्रतिनिधिसभामा सम्बोधन गर्दै हुनुहुन्छ । संसद‌्‌ भवन नयाँ बानेश्वरमा दिउँसो साँढे दुई बजे प्रधानमन्त्रीले सम्बोधन गर्ने कार्यक्रम छ ।

प्रधानमन्त्रीले हरेक महिनाको पहिलो र तेश्रो साता संसद्‌मा सम्बोधन गर्ने व्यवस्थाअनुरुप प्रधानमन्त्री ओलीले आज सम्बोधन गर्ने कार्यक्रम तय भएको हो । यसअघि प्रधानमन्त्रीले गत भदौ १ मा संसद‌्‌मा सम्बोधन गर्नुभएको थियो । प्रतिनिधिसभा नियमावलीमा हरेक महिनाको पहिलो र तेश्रो साता प्रधानमन्त्रीले संसद्‌मा उठेका प्रश्नको जवाफ दिनुपर्ने स्पष्ट व्यवस्था भएपनि सोको नियमित कार्यान्वयन भने हुनसकेको छैन ।

प्रतिनिधिसभा नियमावलीको नियम ५६ को उपनियम १ मा भनिएको छ, ‘प्रधानमन्त्री वा निजको कार्यक्षेत्रभित्र रहेका मन्त्रालयसँग प्रत्यक्ष रुपमा सम्बन्धित महत्वपूर्ण विषयमा प्रश्न सोध्नको लागि सभामुखले प्रत्येक महिनाको पहिलो र तेस्रो हप्तामा बस्ने पहिलो बैठकको पहिलो एक घण्टा निर्धारण गर्न सक्नेछन् । तर, उक्त दिन कुनै कारणवश बैठक बस्न नसकेमा त्यसपछि लगत्तै बस्ने बैठकको पहिलो एक घण्टाको समय निर्धारण गर्न सक्नेछ । प्रधानमन्त्रीको आजको सम्बोधन समसामयिक विषयवस्तु तथा सरकारको कार्यसम्पादनमाथि सांसदहरुले उठाएका प्रश्न तथा जिज्ञासामा केन्द्रित हुनेछ ।


र यो पनि...

टिकटकलाई टक्कर दिन फेसबुकले ल्यायो नयाँ एप कोल्याब

नेपालमा कोरोना संक्रमणबाट छैठौं व्यक्तिको मृत्यु, थप १७० जनामा कोरोना पुष्टि, संक्रमितको संख्या १२१२ पुग्यो

१३औं सागमा स्वर्ण पदक जित्न सफल सबै खेलाडीले आजिवन भत्ता पाउने

अबको डेढ वर्षभित्र मुलपानी क्रिकेट रंगशालाको निर्माण सम्पन्न हुने

बुन्डेसालिगमा आज फ्रेबर्ग र लेभरकुसेन भिड्दै

रौतहटमा प्रहरीद्वारा १२ राउण्ड हवाई फायर, कोरोना संक्रमितलाई आइसोलेसनमा लान खोज्दा झडप

आज मे २९ अर्थात अन्तर्राष्ट्रिय सगरमाथा दिवस, झण्डै तीन महिना झकिझकाउ हुने सगरमाथाको आधारशिविर सुनसान

नेपाली सेनाद्वारा भारतीय सञ्चारमाध्यमको खण्डन गर्दै विज्ञप्ती जारी, सरकारको निर्देशन पालना गर्न कटिवद्ध छौं

सर्वोच्चले गर्यो लकडाउनलाई ‘शून्य अवधि’ घोषणा, स्पष्ट कानुनी व्यवस्था नभएको अवस्थामा ‘अड्बड’को आदेश जारी


Leave a Reply

Your email address will not be published. Required fields are marked *