1. Home
  2. /
  3. प्रदेश ३, ब्रेकिङ न्युज, मुख्य खबर, समाचार
  4. /
  5. नागरिकता विवादित विधेयकबारे नेकपा...

नागरिकता विवादित विधेयकबारे नेकपा र कांग्रेसका शीर्ष नेताबीच छलफल

२०७६, ३० भाद्र सोमबार ०९:०२


काठमाडौं: नेकपा अध्यक्ष तथा प्रधानमन्त्री केपी शर्मा ओली र अर्का अध्यक्ष पुष्पकमल दाहाल नेपाली काङ्ग्रेसका सभापति शेरबहादुर देउवा, वरिष्ठ नेता रामचन्द्र पौडेल लगायतका नेताले पछिल्ला राजनीतिक घटनाका विषयमा छलफल गरेका छन् ।

प्रधानमन्त्री निवास बालुवाटारमा आईतबार साँझ समसामयिक विषयमा छलफल भएको भेटमा सहभागी कानुन, न्याय तथा संसदीय मामिलामन्त्री भानुभक्त ढकालले जानकारी दिए । काङ्ग्रेस सभापति देउवाको आग्रहमा बसेको बैठकमा समसामयिक विषयमा समान धारणा बनाएर अघि बढ्ने विषयमा छलफल भएको मन्त्री ढकालले जानकारी दिए ।

झण्डै दुई घण्टा चलेको बैठकमा बाँके घटना, नागरिकता विधेयक लगायतका विषयमा छलफल भएको कांग्रेस प्रवक्ता विश्वप्रकाश शर्माले जानकारी दिए । नेपाली कांग्रेस बाँके सभापति किरण कोइरालाको हात नेकपा कार्यकर्ताले भाँचिदिएको भन्दै दोषीमाथि कारबाही हुनुपर्ने, नागरिकता विधेयकमा संविधानको धारा ६ मा उल्लेख भए अनुसार जानुपर्ने विषय उठान भएको प्रवक्ता शर्माले बताए । नागरिकता विधेयकसँगै अरु विधेयक राष्ट्रिय सहमतिबाट टुङ्गो लगाउनुपर्ने र देशमा सुशासन कायम हुनुपर्ने कांग्रेसले धारणा राखेको प्रवक्ता शर्माले जानकारी दिए ।

बैठकमा सहभागी कांग्रेस सहमहामन्त्री प्रकाशशरण महतले नेताहरुका बीचमा विवादित भूमिसम्बन्धी विधेयक, मिडिया काउन्सिलसम्बन्धी विधेयक, नागरिकतासम्बन्धी विधेयकमाथि आवश्यक छलफल गरी अघि बढाउने दिशामा छलफल भएको जानकारी गराए । बैठकमा नेपाली कांग्रेसबाट सभापति शेर बहादुर देउवा र वरिष्ठ नेता रामचन्द्र पोडेलसँगै महामन्त्री शशाङ्क कोइराला, प्रवक्ता विश्वप्रकाश शर्मालगायत नेताहरु र नेकपाका दुई अध्यक्षसहित महासचिव विष्णु पौडेल र मन्त्री भानुभक्त ढकाल सहभागी थिए ।


र यो पनि...

६४औं प्रहरी दिवस २०७६ सम्पन्न, प्रहरी महानिरीक्षक सर्वेन्द्र खनालबाट कदरपत्र तथा पुरस्कार वितरण {फोटो सहित}

६४औं प्रहरी दिवस सम्पन्न, प्रधानमन्त्री केपी शर्मा ओलीद्वारा अमर प्रहरी स्मारकमा पुष्पहार अर्पण

बडादशैंको पाँचौ दिन आज स्कन्दमाता भगवतीको पूजाआजा गरिँदै

बारामा सेफ्टी टंकीभित्र निसासिएर एकै परिवाको पाँच जनाको मृत्यु

नेपाल-भारत सीमानाका बैतडीको झुलाघाट आजदेखि तीन दिनका लागि बन्द

विपक्षी सांसदप्रति अमेरिकी राष्ट्रपतिको आपत्तिजनक टिप्पणी

सेवा र रोजगारीको अवसर कम भएको विरोधमा इराकमा सरकार विरोधी प्रदर्शन

बायर्न म्युनिखद्वारा टोटेनहम हस्टपर ७-२ गोल अन्तरले पराजित

रियल मड्रिड र बेल्जियमको क्लब ब्रुगले खेले बराबरी


Leave a Reply

Your email address will not be published. Required fields are marked *