1. Home
  2. /
  3. खेलकुद, मुख्य खबर
  4. /
  5. आयरल्यान्डलाई हराउँदै जर्मन युरोकप...

आयरल्यान्डलाई हराउँदै जर्मन युरोकप छनोटको शीर्षस्थानमा उक्लियो

२०७६, २४ भाद्र मंगलवार ०९:१८


एजेन्सी: युरोकप छनोट अन्तर्गत गएराती भएको खेलमा जर्मन र नेदरल्यान्ड्सले आ-आफ्नो खेलमा जित दर्ता गरेका छन् । जर्मनले शीर्षस्थानमा रहेको उत्तरी आयरल्यान्डलाई २-० ले पराजित गर्दै शीर्षस्थानमा उक्लिएको हो ।

जर्मनका लागि दुवै गोल दोस्रो हाफमा भएको थियो । मार्सल हाल्सटनबर्गले ४८औं मिनेटमा अग्रता दिलाएका थिए । दोस्रो हाफको इन्ज्युरी समयमा सर्ज गनाब्रीले गोल गर्दै जर्मनीको जित पक्का गरे । पहिलो हाफमा केहि सुस्त प्रदर्शन गरेको जर्मनले दोस्रो हाफमा भने निकै आक्रमण रणनीति अपनाएको थियो । आयरल्यान्डका गोलरक्षक बेली पिकक-फेरलले केहि राम्रो बचाउ गर्दै अन्तिमसम्म पनि आफ्नो टोलीको सम्भावना कायम राखेका थिए ।

समूहकै अर्को खेलमा नेदरल्यान्ड्सले रायन बाबेलको दुई गोलसँगै इस्टोनियालाई ४-० ले पराजित गर्यो । खेलको १७औं र ४७ औं मिनेटमा बाबेलले डेली गोल गरे । मेम्फिस डिपाएले ७६औं मिनेटमा उत्कृष्ट गोल गर्दै ३-० को स्कोर बनाए । जिओर्जिनियो वाइनल्डमले ८७औं मिनेटमा गोल गरेपछि नेदरल्यान्ड्सले फराकिलो जित पक्का गर्यो ।

यस नतिजासँगै समूह ‘सी’ मा जर्मन शीर्षस्थानमा उक्लिएको छ । जर्मन र उत्तरी आयरल्यान्डको ५ खेलमा समान १२ अंक भएपनि जर्मनी गोल अन्तरमा अगाडी छ । नेदरल्यान्ड्सको ४ खेलमा ९ अंक छ । बेलारुस ५ खेलमा ३ अंक र इस्टोनिया अंकविहिन रहेको छ ।


र यो पनि...

आर्सनल र वाट्फोर्डले खेले बराबरी

त्रिदेशीय टी-ट्वान्टी क्रिकेट श्रृंखला अन्तर्गतको तेश्रो खेलमा अफगानिस्तान विजयी

हङकङमा जारी प्रदर्शनले उग्र रुप लिँदै, प्रदर्शनकारीमाथि पेट्रोल बम र पानीको फोहरा प्रहार

भारतको आन्ध्र प्रदेशमा डुङ्गा दुर्घटना हुँदा १२ जनाको मृत्यु, ३० जना बेपत्ता

कोशी सम्झौता कार्यान्वयन गर्न माग गर्दै किसानहरुले सुरु गरेको रिले अनसनको एक महिना पुरा

नागरिकता विवादित विधेयकबारे नेकपा र कांग्रेसका शीर्ष नेताबीच छलफल

सोमबार मध्यरातबाट पाँच साताका लागि बेलायती संसद् निलम्बन

आयरल्यान्डलाई हराउँदै जर्मन युरोकप छनोटको शीर्षस्थानमा उक्लियो

बेल्जियमको सानदार जित, स्कटल्याण्ड बाहिरियो


Leave a Reply

Your email address will not be published. Required fields are marked *