आयो एनएमबी बैंकको नयाँ फण्ड, लाभांश पनि घोषणा

२०७६, १५ श्रावण बुधबार १५:०५


काठमाडौं: एनएमबी बैंकले संचालनमा ल्याएको ‘एनएमबी म्युचुअल फण्ड’मा लगानी गर्ने इकाई धनीलाई बैंकले लाभांश वितरण गर्ने भएको छ । आइतबार विहान बसेको बैंक संचालक समितिको बैठकले गत आर्थिक वर्ष २०७५/७६ को लेखा परीक्षणबाट प्राप्त प्रतिफलको समीक्षा गर्दै बैंकले जारी गरेको एनएमबी सुलभ इन्भेष्टमेन्ट फण्ड–१ र एनएमबी हाइब्रिड फण्ड एल–१ को इकाई धनीलाई लाभांश दिने निर्णय गरेको हो ।

राजधानीमा पत्रकार संमेलन गर्दै बैंकले आर्थिक वर्ष २०७५/७६ को मुनाफाबाट कर कट्टा गरि सुलभ इन्भेष्टमेन्ट फण्डका इकाइ धनीलाई १५ प्रतिशत र हाइब्रिड फण्डका इकाई धनीलाई १० प्रतिशतका दरले लाभांश दिने घोषणा गरेको छ । फण्ड अन्तर्गत संचालन भएको एनएमबी सुलभ इन्भेष्टमेन्ट फण्डले विगत तीन वर्षदेखि इकाई धनीलाई लगातार नगद लाभांश वितरण गर्दै आएको छ ।

बैंकले संचालनमा ल्याएको एनएमबी हाइब्रिड फण्ड एल–१ नेप्सेमा सूचीकृत भई कारोबार खुल्दा नेप्से १७५९.७१ विन्दुमा भएको र पछि बजार निरन्तर घट्दा समेत कम्पनीले योजनाको जोखिमलाई व्यवस्थापन गरी लांभाश वितरण गर्न सफल भएको बैंकले जनाएको छ । यसै अबसरमा बैंकले ‘एनएमबी ५०’ तेस्रो म्युचअल फण्ड समेत ल्याएको छ । बैंकले ५० वटा योजना समावेश गरी १ करोड २० लाख इकाइ बराबरको म्युचअल फण्ड सार्वजनिक गरेको हो ।

लगानीकर्ताको लगानीको सुनिश्चित गर्दै अधिकतम लाभांश प्रदान गर्ने गरी एनएमबी ५० म्युचुअल फण्ड ल्याएको बैंकले जनाएको छ । माग अनुसार फण्डलाई १ करोड २० लाखबाट अधिकतम एक करोड ५० लाख सम्म पुर्याइने बैंकका कार्यकारी निर्देशक श्रिजेश घिमिरेले जानकारी दिए । यो योजनाको प्राथमिक उद्देश्य नै उच्चतम प्रतिफल हासिल गर्ने रहेको हुँदा एनएबी ५० को अधिकांश लगानी इक्विटीमा रहने सिईओ घिमिरेले बताएका छन् ।


र यो पनि...

नेपाल बैंकको नयाँ कर्जा योजनामा ७.९९ प्रतिशत ब्याजदरमा घरकर्जा

माछापुच्छ्रे र सिद्वार्थ बिजिनेश ग्रुपबीच ग्राहकलाई छुट प्रदान गर्ने सम्झौता

मान्छेहरु कोरोनाप्रति एकदमै गैह्र जिम्मेवार, काम गरेको जसै दिँदैनन्: प्रधानमन्त्री ओली

नेपालमा थप २५९ जनामा कोरोना संक्रमण, संक्रमितको संख्या २१ हजार ९ पुग्यो, उपत्यकामा ६२ जनामा कोरोना संक्रमण

ग्लोकल अनलईन लर्निंग फेस्टिवल २०२० समापन

एनएमबि बैंक लिमिटेड मादमे खोला जलविद्युत आयोजनाको मुख्य लगानीकर्ता

पश्चिम ठमेल पर्यटन परिषद्वारा विभिन्न संस्था एवं व्यक्तित्वहरु सम्मानित

नेपाल बैंकको नयाँ कर्जा योजना

नयाँ शैक्षिक सत्र पाँच महिना धकेली सक्दा पनि सरकारको तयारी जहाँको त्यहिँ


Leave a Reply

Your email address will not be published. Required fields are marked *


%d bloggers like this: