1. Home
  2. /
  3. देश, प्रदेश्, ब्रेकिङ न्युज, मुख्य खबर
  4. /
  5. बंगालको खाडीबाट आएको जल...

बंगालको खाडीबाट आएको जल वाष्प युक्त हावा र स्थानीय वायुको प्रभावले पूर्वी र मध्य क्षेत्रमा भारी वर्षाको सम्भावना

२०७६, ५ श्रावण आईतवार ०९:०१


काठमाडौं: बंगालको खाडीबाट आएको जल वाष्प युक्त हावा र स्थानीय वायुको प्रभावले आज देशको पूर्वी र मध्य क्षेत्रमा भारी वर्षाको सम्भावना रहेकोले सर्तकता अपनाउन मौसम पूर्वानुमान महाशाखाले आग्रह गरेको छ ।

मनसुन न्यून चापिय रेखा नेपालको दक्षिणतिर पुगेको भएपनि बंगालको खाडीबाट प्रवेश गरेको जल वाष्प युक्त हावा र स्थानीय वायुको प्रभावको कारण आज देशभर मौसममा सामान्य बदली हुनेछ भने पुर्व र मध्य क्षेत्रका एक दुई स्थानमा भारि वर्षाको सम्भावना रहेको मौसम पूर्वानुमान महाशाखाले जनाएको छ । त्यस्तै सोमबार पनि देशभर आंशिकदेखि सामान्य बदली हल्कादेखि मध्यम वर्षाको सम्भावना रहेको महाशाखाले जनाएको छ ।

बाढी पूर्वानुमान महाशाखाले प्रदेश नं १, ३, ५ र गण्डकी प्रदेशका मध्यपहाडी तथा चुरेको भू-भागबाट बहने केही साना नदीमा आकस्मिक बहावको सम्भावना रहेकाले तटीय क्षेत्रमा सतर्कता अपनाउन आग्रह गरेको छ । त्यसैगरी मौसम पूर्वानुमान महाशाखाले आगामी २४ घण्टाको मौसम पूर्वानुमान जारी गर्दै देशका केही स्थानमा भारी वर्षाको सम्भावना रहेकाले पहाडी भू-भागमा पहिरो जान सक्ने र पहाड तथा चुरेबाट बहने खोलामा जल सहत बढ्नसक्ने भएकाले सतर्कता अपनाउन मौसमविद्ले आग्रह गरेको छन् ।


Leave a Reply

Your email address will not be published. Required fields are marked *