1. Home
  2. /
  3. खेलकुद
  4. /
  5. इटालियन क्लब फियोरेन्टिनामाथि आर्सनलको...

इटालियन क्लब फियोरेन्टिनामाथि आर्सनलको को प्रभावशाली जित

२०७६, ५ श्रावण आईतवार ०७:४१


एजेन्सी: इंग्लिस क्लब आर्सनलले प्रि सिजनको इन्टर नेसनल च्याम्पियन्स कपमा प्रभावशाली जित निकालेको छ । अमेरिकास्थित क्यालिफोर्नियामा आज बिहान भएको खेलमा आर्सनलले इटालियन क्लब फियोरेन्टिनामाथि ३-० को प्रभावशाली जित निकालेको हो ।

इन्टरनेसनल च्याम्पियन्स कपमा आसर्नलको यो लगातार दोस्रो जित हो । आर्सनलले यसअघि जर्मन च्याम्पियन बायर्न म्युनिखलाई ३-२ ले हराएको थियो । लगातार दुई जित निकालेको आर्सनलको ६ अंक जोडेर शीर्षस्थानमा रहेको छ । च्याम्पियन्स कपका फियोरेन्टिनाको पहिलो हार हो । आर्सनलको जितमा युवा फरवार्ड एडवार्ड एनकेइटाले दुई तथा जोसेफ विललकले एक गोल थपे ।

खेलको १६औं मिनेटमा एडवार्ड एनकेइटाले गोल गरेपछि आसर्नल पहिलो हाफमा १-० ले अघि बढेको थियो । ६६औं मिनेटमा एडवार्ड एनकेइटाले व्यक्तिगत दोस्रो गोल गर्दै आसर्नललाई जित नजिक पुर्याएका थिए । ८९औं मिनेटमा जोसेफले गोल गर्दै आर्सनललाई ३-० को प्रभावशाली जित दिलाए । अब आसर्नलले २४ जुलाईमा स्पेनिस क्लब रियल म्याड्रिडसँग तथा फियोरेन्टिनाले बेन्फिकासँग २५ जुलाईमा खेल्नेछ । इन्टरनेसनल च्याम्पियन्स कपमा युरोपका १३ क्लबले प्रतिस्पर्धा गरिरहेका छन् ।


Leave a Reply

Your email address will not be published. Required fields are marked *