अबिरल बर्षाका कारण बाढी पहिरो र डुवानमा परि १८ जनाको मृत्यु, शनिबार दिउँसोदेखि आइतबारसम्म देशभर वर्षा जारी रहने

२०७६, २८ असार शनिबार ०७:२८


काठमाडौं: तीन दिनयताको अविरल वर्षाका कारण निम्तिएको विपत्तिमा परी १८ जनाको ज्यान गएको छ । बाढि, डुबान तथा पहिरोमा परी १८ जनाको मृत्यु हुनुका साथै १६ जना घाइते र ५ जना बेपत्ता भएको गृह मन्त्रालयले जानकारी दिएको छ ।

बाढी र पहिरोका कारण करिब १२ सय घरपरिवार विस्थापित भएका छन् भने १ सय ५३ जनाको आपत्कालिन उद्धार गरिएको जनार्इएको छ । तटीय क्षेत्र र पहिरोको उच्च जोखिम रहेका स्थानमा उच्च सतर्कता अपनाउन गृहमन्त्रालयले अपील गरेको छ ।

यता, जल तथा मौसम पूर्वानुमान महाशाखाले अविरल वर्षा आइतबारसम्म निरन्तर रहने बताएको छ । पूर्वदेखि पश्चिमसम्म अहिले सशक्त न्युनचापीय क्षेत्रमा यो प्रणाली घुमिरहँदा हावासहित भइरहेको वर्षा आइतबारसम्म निरन्तर रहने मौसमविद् मीनकुमार अर्यालले जानकारी दिए । यो प्रणाली विस्तारै पश्चिम क्षेत्रमा सिफ्ट हुँदै गएको र पश्चिप क्षेत्रमा वर्षाको सम्भावना रहेको अर्यालको भनाई छ । अर्यालका अनुसार कालो बादलसहित हल्का छड्के पानी परेको छ ।

सशक्त न्युनचापीय क्षेत्रमा जलवाष्पयुक्त मौसम प्रणालीले फन्को मार्दा हावासहित देशभर अविरल वर्षा भइरहेको छ । विगत केही दिनअघिबाट मनसुन सक्रिए भए पनि बिहीबारबाट मनसुन थप सक्रिए भएको मौसम पूर्वानुमान महाशाखाले जनाएको छ । शनिबार दिउँसोदेखि आइतबारसम्म देशभर वर्षा जारी रहने महाशाखाले जनाएको छ ।

खासगरी पूर्व र मध्य क्षेत्रका केही स्थानहरुमा भारी वर्षा हुने अनुमान गरिएको छ । साथै पूर्व र मध्य क्षेत्रका मध्य पहाड र तराईका थोरै ठाउँहरुमा धेरै वर्षा हुने महाशाखाले जनाएको छ । केही स्थानमा हावाहुरीको समेत सम्भावना छ । यसैगरी आइतबार रातिसम्म पूर्व र मध्यक्षेत्रका केही स्थानमा भारी वर्षा हुने अनुमान गरिएको छ । पूर्व र मध्य क्षेत्रका मध्य पहाड, तराईका थोरै ठाउँहरुमा धेरै भारी वर्षा हुने महाशाखाले जनाएको छ ।


र यो पनि...

भारतले सार्वजानिक गरेको नयाँ नक्सा सच्याउन युवा कम्युनिष्ट लिगद्वारा विज्ञप्ती जारी, कुटनीतिक पहलबाट समस्याको समाधान गर्न नेपाल सरकारलाई आग्रह

आज हरिबोधिनी एकादशी नदी तथा जलाशयमा भक्तजनको भीड, तुलसीको विवाह गर्ने दिन

आजदेखि दुई दिने ‘प्रथम मुलखर्क भिमसेनस्थान साँस्कृतिक महोत्सव-२०७६’ हुँदै

भारतीय पक्षबाट नेपालको सीमा मिचिएकोमा वाईसिएलका उपाध्यक्ष प्रकाश राईको कडा आपत्ति

तिहारको मूख्य दिन आज भाईटीका, टीकाको शुभ-साईत ११ बजेर ५५ मिनेटमा उत्तम

नयाँ वर्ष नेपाल संवत् ११४० आजबाट सुरु

म्यानमारमा ४० सुरक्षाकर्मीको अपहरण

पाकिस्तानी पूर्वप्रधानमन्त्री नवाज सरीफलाई हृदयाघात

चेल्सीको सहज जित, बर्नली ४-२ गोल अन्तरले पराजित


Leave a Reply

Your email address will not be published. Required fields are marked *