1. Home
  2. /
  3. खेलकुद, ब्रेकिङ न्युज, मुख्य खबर
  4. /
  5. आईसीसी विश्वकप क्रिकेट अन्तर्गत...

आईसीसी विश्वकप क्रिकेट अन्तर्गत पहिलो सेमिफाइनलमा आज भारत र न्युजिल्याण्डबीच प्रतिस्पर्धा हुँदै

२०७६, २४ असार मंगलवार ०९:२०


काठमाडौं: आईसीसी एकदिवसीय विश्वकप क्रिकेट अन्तर्गत पहिलो सेमिफाइनलमा आज भारत र न्युजिल्याण्डबीच प्रतिस्पर्धा हुँदैछ । इंग्ल्याण्डको म्यानचेष्टरथित ओल्ड ट्राफोड क्रिकेट मैदानमा यी दुई टोलीबीचको खेल नेपाली समय अनुसार दिउँसो पौने ३ बजे सुरु हुनेछ ।

दुबै टोलीको लक्ष्य फाइनलमा पुग्ने रहनेछ । आजको खेलको विजेताले अष्ट्रेलिया र इंग्ल्याण्डबीचको विजेतासँग खेल्ने छन् । दुई टोलीबीचको पछिल्लो पाँच खेलको नतिजा हेर्दा भारत बलियो देखिएको छ । पाँच भेटमा भारतले ३ खेल जितेको छ । न्युजिल्याण्डले १ खेल जितेको छ । एक खेल नतिजा विहीन बनेको थियो । विश्वकप इतिहाँसमा पहिलो पटक भारत र न्युजिल्याण्ड सेमिफाइनलमा खेल्न लागेका हुन् । यसै विश्वकपको लिग चरणको खेलमा पनि दुई टोलीबीच खेल भएको थिएन् । बर्षाले प्रभावित गर्दा दुई टोलीबीचको खेल रद्द भएको थियो ।

विश्वकपको हेड टु हेडमा भने भारत भन्दा न्युजिल्याण्ड अघि रहेको छ । यी दुई टोली हालसम्म आठ पटक विश्वकपमा आमने सामने भएका छन् । जसमा न्युजिल्याण्ड चार पटक भारतमाथि हावी भएको छ भने भारतले तीन खेल जित्दा एक खेल नतिजाविहीन भएको थियो । जारी विश्वकपमा भारतले नौ खेलमा सात खेलमा जित हात पार्दै शीर्ष स्थानमा रहँदै सेमिफाइनल यात्रा गरेको थियो । समान खेल खेलेको न्युजिल्याण्डले पाँच खेलमा जित हात पर्दा पाकिस्तानसँग नेट रन रेटको आधारमा सेमिफाइनल प्रवेश गरेको थियो ।

यस विश्वकपमा भारतका रोहित शर्मा उत्कृष्ट लयमा रहेका छन् । उनी विश्वकपमा सबै भन्दा धेरै रन बनाउने ब्याट्सम्यान रोहित हुन् । उनले आठ ईनिङ्समा ६ सय ४७ रन बनाएका छन् । जसमा उनले पाँच शतक र एक अर्धशतक प्रहार गरेका छन् । यस्तै न्युजिल्याण्डका लोकी फिर्गुसनले जारी विश्वकपको सात खेलमा १७ विकेट हात पारेका उनी सर्वाधिक विकेट लिने खेलाडीको सूचीमा तेस्रो स्थानमा रहेका छन् । बिहिबार दोस्रो सेमिफाइनल खेलमा अष्टेलिया र इङल्याण्ड प्रतिस्पर्धा गर्नेछन् ।


र यो पनि...

६४औं प्रहरी दिवस २०७६ सम्पन्न, प्रहरी महानिरीक्षक सर्वेन्द्र खनालबाट कदरपत्र तथा पुरस्कार वितरण {फोटो सहित}

६४औं प्रहरी दिवस सम्पन्न, प्रधानमन्त्री केपी शर्मा ओलीद्वारा अमर प्रहरी स्मारकमा पुष्पहार अर्पण

बडादशैंको पाँचौ दिन आज स्कन्दमाता भगवतीको पूजाआजा गरिँदै

बारामा सेफ्टी टंकीभित्र निसासिएर एकै परिवाको पाँच जनाको मृत्यु

नेपाल-भारत सीमानाका बैतडीको झुलाघाट आजदेखि तीन दिनका लागि बन्द

विपक्षी सांसदप्रति अमेरिकी राष्ट्रपतिको आपत्तिजनक टिप्पणी

सेवा र रोजगारीको अवसर कम भएको विरोधमा इराकमा सरकार विरोधी प्रदर्शन

बायर्न म्युनिखद्वारा टोटेनहम हस्टपर ७-२ गोल अन्तरले पराजित

रियल मड्रिड र बेल्जियमको क्लब ब्रुगले खेले बराबरी


Leave a Reply

Your email address will not be published. Required fields are marked *