1. Home
  2. /
  3. खेलकुद, ब्रेकिङ न्युज, मुख्य खबर
  4. /
  5. नेदरल्याण्डलाई हराउँदै अमेरिकाले जित्यो...

नेदरल्याण्डलाई हराउँदै अमेरिकाले जित्यो फिफा महिला विश्वकप फुटबल २०१९ को उपाधि

२०७६, २३ असार सोमबार ०८:५७


एजेन्सी: अमेरिकाले फिफा महिला विश्वकप फुटबल २०१९ को उपाधि जितेको छ । चौथो पटक च्याम्पियन बन्ने क्रममा साविक विजेता अमेरिकाले युरोपियन च्याम्पियन नेदर्लयाण्ड्सलाई २-० ले पराजित गरेको हो ।

फ्रान्सको लिओन स्टेडियममा आइतवार भएको फाइनलमा अमेरिकाले दुवै गोल दोस्रो हाफमा १० मिनेटको अन्तरमा गरेको थियो । ६१औं मिनेटमा कप्तन मेगान रापिनोले पेनाल्टीमा पहिलो गोल गरिन् । सुरुमा रेफ्रीले पेनाल्टी नदिएपनि भिआरको मद्दतमा पेनाल्टी दिइन् र त्यसमा मेगानले कुनै गल्ती गरिनन् । ६९औं मिनेटमा रोस लाभेलेल अमेरिकाको लागि दोस्रो गोल गरिन् । अमेरिका जर्मनीपछि उपाधि रक्षा गर्ने पहिलो टिम समेत बनेको छ ।

सन् २००३ र २००७ मा जर्मनीले लगातार दुई पटक उपाधि जितेको थियो । २०१५ र २०१९ मा अमेरिकाले लगातार उपाधि जित्दै जर्मनीको उक्त उपलब्धी बराबरी गरेको छ । सन् १९९१ को पहिलो संस्करण जितेको अमेरिकाले १९९९ को तेस्रो संस्करण पनि जितेको थियो । अहिलेसम्म भएका ८ संस्करणमध्ये ४ पटक अमेरिका च्याम्पियन बन्दा जर्मनीले २ तथा नर्वे र जापानले १-१ पटक उपाधि जितेका छन् ।

यसैबीच च्याम्पियन टोलीकी कप्तान मेगान रापिनोले प्रतियोगिताको उत्कृष्ट खेलाडी र सर्वाधिक गोलकर्ताको अवार्ड जितिन् । उत्कृष्ट वापत उनले गोल्डेन बल जितिन् भने सर्वाधिक ६ गोलसहित ३ असिस्ट समेत गरेकी उनले गोल्डेन बल पनि पाइन् । यस्तै फाइनलमा दुई गोल खाएपनि प्रतियोगिताभर उत्कृष्ट प्रदर्शन गरेकी डच गोलकिपर सारी भान भेनेन्डले उत्कृष्ट गोलकिपर हुँदै गोल्डेन ग्लोभ्स पाइन् ।


र यो पनि...

६४औं प्रहरी दिवस २०७६ सम्पन्न, प्रहरी महानिरीक्षक सर्वेन्द्र खनालबाट कदरपत्र तथा पुरस्कार वितरण {फोटो सहित}

६४औं प्रहरी दिवस सम्पन्न, प्रधानमन्त्री केपी शर्मा ओलीद्वारा अमर प्रहरी स्मारकमा पुष्पहार अर्पण

बडादशैंको पाँचौ दिन आज स्कन्दमाता भगवतीको पूजाआजा गरिँदै

बारामा सेफ्टी टंकीभित्र निसासिएर एकै परिवाको पाँच जनाको मृत्यु

नेपाल-भारत सीमानाका बैतडीको झुलाघाट आजदेखि तीन दिनका लागि बन्द

विपक्षी सांसदप्रति अमेरिकी राष्ट्रपतिको आपत्तिजनक टिप्पणी

सेवा र रोजगारीको अवसर कम भएको विरोधमा इराकमा सरकार विरोधी प्रदर्शन

बायर्न म्युनिखद्वारा टोटेनहम हस्टपर ७-२ गोल अन्तरले पराजित

रियल मड्रिड र बेल्जियमको क्लब ब्रुगले खेले बराबरी


Leave a Reply

Your email address will not be published. Required fields are marked *