1. Home
  2. /
  3. देश, प्रदेश्, ब्रेकिङ न्युज, मुख्य खबर
  4. /
  5. बझाङको डौंठीमा यात्रुवाहक जीप...

बझाङको डौंठीमा यात्रुवाहक जीप दुर्घटना हुँदा मृत्यु हुनेको संख्या दश पुग्यो

२०७६, ३ असार मंगलवार ०९:१३


बझाङ: बझाङ सदरमुकाम चैनपुरको डुङग्रीबाट मष्टा गाँउपालिकातर्फ जाँदै गरेको स १ ज १०७२ नम्बरको जीप हिजो दिउँसो डौठीमा दुर्घटना हुँदा १० जनाको मृत्यु भएको छ भने ५ जना घाईते भएका छन् ।

जीप दुर्घटनामा परि मष्टा गाँउपालिका वडा नम्बर १ का कलकबहादुर खड्का, उनकी श्रीमती ३८ वर्षीया जुनधारा खड्का र उनका १७ वर्षका छोरा सुनील खडकाको मृत्यु भएको छ । यस्तै सोही वडाका २३ वर्षका हिक्मत खड्का, ५९ वर्षिया धौली खड्का, ६५ वर्षिया जुना खडका, ३० वर्षका भक्त द्वाल, २७ वर्षिया लक्ष्मी द्वाल, चालक २२ वर्षका सुरेन्द्र थापा र ९ वर्षकी विनिता खड्काको मृत्यु भएको जिल्ला प्रहरी कार्यालय बझाङले जनाएको छ ।

चैनपुरबाट गएको वडा प्रहरीको टोलीले भीरमा गएर ५ जना घाईतेको उद्धार गरेको छ । वडा प्रहरी कार्यालय चैनपुरका प्रहरी नायव निरिक्षक माहानन्द जोशीले भीरमा अडेकिएका घाइतेको तीन घण्टा लगाएर उद्धार गरिएको जानकारी दिए । बझाङका प्रमुख जिल्ला अधिकारी सुरेश सुनार, प्रहरी नायब उपरीक्षक सूर्य बहादुर केसी सहितको प्रहरीको टोली घटनास्थल पुगेका थिए । घाईते मध्ये गम्भिर तीन जनालाई भने हेलिकप्टरबाट नेपालगञ्ज लगिएको प्रमुख जिल्ला अधिकारी सुनारले जानकारी दिए ।

गम्भिर घाईते, मृतक कलक खडकाकी छोरी संगीता खडका, २८ वर्षका गोकुल शाही, २८ वर्षकै अनीता द्वाललाई नेपालगञ्ज मेडिकल कलेजमा भर्ना गरिएको छ । यस्तै २२ वर्षका जनक द्वाल र १० वर्षका गणेश खडकाको चैनपुर स्थित जिल्ला अस्पतलमा उपचार भईरहेको छ । दुबै जनाको अवस्था सामान्य रहेको प्रहरीले जनाएको छ । दुर्घटना लगत्तै सुदूरपश्चिम प्रदेशका मुख्यमन्त्री त्रिलोचन भट्टको पहलमा गृहमन्त्रालयले हेलिकप्टर पठाएर घाईतेको उद्धार गरिएको हो ।


र यो पनि...

कंगोमा युगान्डाली विद्रोही समूहद्वारा १४ जना सर्वसाधारणको हत्या

सन्दीप लामिछानेको टोली कर्नाटका टुसकेर्सको विजयी सुरुवात

अनुशासनहीन कार्य गरेको भन्दै राष्ट्रिय फुटबल टोलीका स्ट्राइकर विमल घर्तीमगर सहित चार खेलाडी बर्खास्त

नेपालले हङकङलाई जितका लागि दियो २१८ रनको लक्ष्य

मैत्रीपूर्ण खेलमा भारतीय क्रिकेट टोलीका पुर्व कप्तान सचिनको टोली विजयी

श्रीलंकामा राष्ट्रपति चुनावका लागि मतदान जारी

फ्रान्समा अत्याधिक हिमपात, एक जनाको मृत्यु, झण्डै तीन लाख घरमा विद्युत सेवा अवरुद्ध

अर्जेन्टिनालाई सुपरक्लासिकोको उपाधि

पहिलो पटक फिनल्याण्ड युरोकपमा छनोट


Leave a Reply

Your email address will not be published. Required fields are marked *