1. Home
  2. /
  3. देश, प्रदेश्, ब्रेकिङ न्युज, मुख्य खबर, समाचार
  4. /
  5. बढ्दो तापक्रमले देशभरको जनजीवन...

बढ्दो तापक्रमले देशभरको जनजीवन प्रभावित

२०७६, २ असार सोमबार ०८:१२


काठमाडौं: केही दिनदेखि बढिरहेको तापक्रमले तरार्इका जिल्लामा जनजीवन निकै कष्टकर बनेको छ । रुपन्देहीको भैरहवामा शनिबार बर्षकै सबै भन्दा बढी ४३ दशमलव ४ डिग्री मापन गरिएको थियो । तापक्रममा वृद्धिसँगै हावा पनि तातो चल्न थालेपछि बजार, शिक्षण संस्था, सरकारी कामकाज समेत प्रभावित भएको छ । स्थानीय अस्पतालमा विरामीको चाप बढिरहेको छ ।

पूर्वको झापामा पनि तापक्रम ४० डिग्रीसम्म पुगेको छ । दैनिक ज्याला मजदुरी गर्ने र हिँडडुल गर्नेहरुलाई पनि गर्मीले समस्या भएको छ । उता, दाङमा पनि दुईदिन यताको तापक्रम ३९.९ डिग्री सेलसियस मापन गरिएको छ । गर्मीकै कारण रोगको सङ्क्रमण बढेपछि उपचारका लागि अस्पतालमा आउने बिरामीको संख्या बढेको छ । गत वर्षको तुलनामा यस वर्ष गर्मि अत्यधिक रेकर्ड गरिएको जल तथा मौसम विज्ञान विभाग फिल्ड कार्यालय दाङले जनाएको छ ।

यस्तै, तापक्रम ४२ डिग्रीसम्म पुगेपछि सर्लाहीको लालबन्दी, हरिवन, बागमती सहित मलंगवाको जनजिवन नराम्रो सगँ प्रभावित बनेको छ । गर्मी बढेसगैँ सामुदायिक तथा संस्थागत विद्यालय बन्द गरिएको छ । सप्तरीमा पनि अत्याधिक गर्मीका कारण जनजीवन कष्टकर बनेको छ । सदरमुकाम राजविराजमा केहि दिन यता तापक्रम ४० देखी ४३ सम्म पुगेपछि जनजीवन अस्तव्यत बनेको हो । अत्यधिक गर्मी बजार, कार्यालय र विद्यालय सबैमा चहल पहल घटेको छ । गर्मीकै कारण केही दिन यता घाउ खटीरा, टाइफाइड ज्वरो, झाडापाखाला लगायत रोगका विरामीको चाप ह्वातै बढेको गजेन्द्रनारायण सिंह अस्पतालले जनाएको छ ।

यस्तै, जनकपुरधाममा ४२ डिग्री सेल्सियस सम्मको तापक्रमले जीवन कष्टकर तुल्याएको छ । सडकहरु सुनसान देखिन्छन् भने अस्पतालमा चाप बढेको छ । चर्को घामसँगै तातो हावा चल्न थालेपछि वीरगञ्जमा पनि जीवन कठिन बनेको छ । वीरगञ्जको तापक्रम ४२ देखि ४४ डिग्रीसम्म छ । गर्मीले कठिन भएपछि जिल्लाका स्थानीय तहले असार १ देखि ६ गतेसम्म विद्यालय बन्द गर्ने निर्णय गरेका छन् ।


र यो पनि...

६४औं प्रहरी दिवस २०७६ सम्पन्न, प्रहरी महानिरीक्षक सर्वेन्द्र खनालबाट कदरपत्र तथा पुरस्कार वितरण {फोटो सहित}

६४औं प्रहरी दिवस सम्पन्न, प्रधानमन्त्री केपी शर्मा ओलीद्वारा अमर प्रहरी स्मारकमा पुष्पहार अर्पण

बडादशैंको पाँचौ दिन आज स्कन्दमाता भगवतीको पूजाआजा गरिँदै

बारामा सेफ्टी टंकीभित्र निसासिएर एकै परिवाको पाँच जनाको मृत्यु

नेपाल-भारत सीमानाका बैतडीको झुलाघाट आजदेखि तीन दिनका लागि बन्द

विपक्षी सांसदप्रति अमेरिकी राष्ट्रपतिको आपत्तिजनक टिप्पणी

सेवा र रोजगारीको अवसर कम भएको विरोधमा इराकमा सरकार विरोधी प्रदर्शन

बायर्न म्युनिखद्वारा टोटेनहम हस्टपर ७-२ गोल अन्तरले पराजित

रियल मड्रिड र बेल्जियमको क्लब ब्रुगले खेले बराबरी


Leave a Reply

Your email address will not be published. Required fields are marked *