1. Home
  2. /
  3. ब्रेकिङ न्युज, मुख्य खबर, समाचार
  4. /
  5. लोकसेवा आयोगको विज्ञापन समावेशी...

लोकसेवा आयोगको विज्ञापन समावेशी नभएको भन्दै संसदमा सांसदहरुको विरोध

२०७६, २ असार सोमबार ०८:०८


काठमाडौं: पछिल्लो समय लोकसेवा आयोगले आह्वान गरेको विज्ञापन समावेशी नभएको भन्दै संसदमा लोकसेवा आयोगको विज्ञापनको सांसदहरुले विरोध गरेका छन् ।

प्रतिनिधिसभा अन्तर्गतको राज्यव्यवस्था समितिले आयोगको विज्ञापन रद्द गर्न निर्देशन नै दिएको छ । तर आयोग र विभागिय मन्त्रालय सामान्य प्रशासनले भने विज्ञापन संविधान र कानुनसम्मत भएको भन्दै स्थानिय तहसम्बन्धि विज्ञापनको बचाउ गरेका छन् । यस्तै विरोध र समर्थनका विच लोकसेवा आयोगले आइतबार आफ्नो स्थापनाको ६९ औं बर्षगाँठ मनाएको छ । लोकसेवा आयोगको स्थापना दिवसमा सरिक हुन पुगेकी राष्ट्रपति विद्यादेवि भण्डारीले लोकसेवा आयोगको खुलेरै प्रशंसा गरिन् ।

संवैधानिक अंगको रुपमा रहेको लोकसेवा आयोगले सार्वजनिक प्रशासनलाई अझै स्वच्छ, सुदृढ र जवाफदेही बनाउन महत्वपूर्ण भूमिका खेल्ने राष्ट्रपतिको अपेक्षा छ । संविधानले प्रादेशिक लोकसेवा आयोगको परिकल्पना गरे पनि प्रदेशस्तरमा आयोग गठन सम्बन्धि कानून नबन्दा समस्या देखिएको आयोगको भनाई छ ।

विज्ञापन सम्बन्धि विवादका विषयमा सत्तारुढ दल नेकपाका नेताहरुले नै फरक फरक धारणा राखिरहँदा प्रधानमन्त्री केपी शर्मा ओलीले विवाद अदालतमा पुगेकाले अहिल्यै बोल्न नमिल्ने बताएका छन् । नेकपाका अर्का अध्यक्ष पुष्पकमल दाहालले आयोगको विज्ञापनका विषयमा प्रधानमन्त्रीसँग छलफल गरि समस्याको निराकण गरिने बताइरहँदा प्रधानमन्त्रीको यस्तो अभिव्यक्तिले यो विषय अझै केही दिन लम्बिने देखिएको छ । त्यसो त सर्वोच्च अदालतले असार ३ गते यहिविषयमा छलफल गर्न पक्ष र विपक्षीलाई छलफलका लागि बोलाएको छ ।


र यो पनि...

कंगोमा युगान्डाली विद्रोही समूहद्वारा १४ जना सर्वसाधारणको हत्या

सन्दीप लामिछानेको टोली कर्नाटका टुसकेर्सको विजयी सुरुवात

अनुशासनहीन कार्य गरेको भन्दै राष्ट्रिय फुटबल टोलीका स्ट्राइकर विमल घर्तीमगर सहित चार खेलाडी बर्खास्त

नेपालले हङकङलाई जितका लागि दियो २१८ रनको लक्ष्य

मैत्रीपूर्ण खेलमा भारतीय क्रिकेट टोलीका पुर्व कप्तान सचिनको टोली विजयी

श्रीलंकामा राष्ट्रपति चुनावका लागि मतदान जारी

फ्रान्समा अत्याधिक हिमपात, एक जनाको मृत्यु, झण्डै तीन लाख घरमा विद्युत सेवा अवरुद्ध

अर्जेन्टिनालाई सुपरक्लासिकोको उपाधि

पहिलो पटक फिनल्याण्ड युरोकपमा छनोट


Leave a Reply

Your email address will not be published. Required fields are marked *