सडक कालोपत्रे गर्न माग गर्दै थलीमा स्थानीयको प्रदर्शन

२०७६, २८ जेष्ठ मंगलवार १५:००


काठमाडौं: चाबहिलबाट थली हुँदै साँखुसम्म पुग्ने सडक निर्माण थालेको चार वर्ष बितिसक्दा पनि सडक नबनेपछि स्थानीयवासी सडकमा उत्रिएका छन् । वैशाखदेखि बौद्ध, जोरपाटी, नारायणटारको विभिन्न ठाउँमा कालोपत्र गर्न थालेको भएपनि थलीबाट साँखु जाने सडकखण्ड कालोपत्र नभएको भन्दै सोही क्षेत्रका स्थानीयवासीले आन्दोलन थालेका हुन् ।

सलम्बुटारदेखि इन्द्रायणी, नयाँपाटी, डाँछी, थलीलगायतका सडकमा ठूला–ठूला खाल्डाखुल्डी छन् । दैनिक आवतजावत गर्नुपर्ने हजारौँ सवारीसाधन र उपभोक्ताले सडककै कारण निकै कष्ट भोग्नुपरेको स्थानीयवासीको गुनासो छ । अहिले सो स्थानमा स्थानीयवासीले कुनैपनि सवारीसाधन चल्न नदिई सडक अवरुद्ध गरेका छन् । सडक निर्माणमा ढिलासुस्ती गर्ने ठेकेदार, स्थानीय प्रशासन र स्थानीय जनप्रतिनिधिलाई समेत ध्यानार्कषण गराउँदै स्थानीयवासीले प्रदर्शन गरेका छन् ।

सरकारले गत साल २०७२ मा चाबहिलबाट साँखुसम्म २२ मिटर चौडा चार लेनको सडक बनाउने योजना ल्यायो र काठमाडौँ उपत्यका सडक विस्तार आयोजनाले २०७२ जेठमा सडकखण्ड निर्माणका लागि बोलपत्र आह्वान गरेर असोजमा चार निर्माण व्यवसायीलाई ठेक्का दिएको थियो । कूल लम्बाइ ११ दशमलव ४६ किलोमिटर सडकखण्डमा चार कम्पनीले समयमै निर्माण नसक्ने भएपछि थप एक कम्पनी गरी पाँच ठेकेदार कम्पनीले यो सडकको विस्तारको जिम्मा पाएका थिए । तर अहिलेसम्म उक्त सडकखण्डले सम्पन्नता पाउन सकेको छैन ।


र यो पनि...

लघु र घरेलु साना उद्यमका लागि राष्ट्र बैंकले ल्यायो १५ लाखसम्मको पुनःकर्जा दिन सकिने प्रावधान

मोबाइल एपमार्फत सिटिजन लाइफ इन्स्योरेन्सको आफ्नो विवरण आफै हेर्न सकिने

केएमसीका चार जना स्वास्थ्यकर्मीमा पनि कोरोना संक्रमण भएको पुष्टि, संक्रमितको संख्या दुई हजार नाघ्यो

स्याङ्जा ५ र पर्वतमा ५ जनामा कोरोना भाइरस संक्रमण पुष्टि, संक्रमितको संख्या १ हजार ८ सय २१ पुग्यो

भिडियो कन्फ्रेन्स मार्फत एन्फाको कार्यसमिति बैठक, ७० करोडको बजेट प्रस्तुत, थापा कारबाहीको बिषय अनुमोदन

‘लकडाउन’का कारण दुई महिना रोकिएको शैक्षिक क्षेत्र असार १ गतेदेखि सुरु हुने, वैकल्पिक विधिबाट पठन-पाठन

एमसीसी सम्झौता राष्ट्रहित विपरित हुने भन्दै युवा कम्युनिष्ट लिगले निकाल्यो विज्ञप्ती

नेपालमा १८११ जनामा कोरोना सङ्क्रमण भएको पुष्टी, अहिलेसम्म २२१ जना संक्रमित निको भएर घर फर्किए

गैरआवासीय नेपाली संघ (एआरएनए) पोर्चुगलका अध्यक्ष गैरेलाई सामाजिक सम्मान


Leave a Reply

Your email address will not be published. Required fields are marked *