1. Home
  2. /
  3. मुख्य खबर, विदेश
  4. /
  5. आफ्नो भू-भागमा विरोधी राजनीतिज्ञलाई...

आफ्नो भू-भागमा विरोधी राजनीतिज्ञलाई निशाना बनाउने भन्दै चीन विरुद्ध हङकङमा प्रदर्शन

२०७६, २७ जेष्ठ सोमबार ०८:३६


एजेन्सी: नयाँ कानूनले आफ्नो भूभागमा विरोधी राजनीतिज्ञलाई निशाना बनाउने भन्दै हङकङमा चीन विरुद्ध प्रदर्शनमा उत्रिएका छन् । प्रस्तावित सुपुर्दगी कानूनले संदिग्ध अपराधिहरुको परीक्षण वा जाँचबुझका लागि मुख्य भूमी चीन लैजाने अनुमति दिन्छ ।

आन्दोलनमा १० लाख भन्दा बढी मानिस सहभागी भएको आयोजकहरुले दाबी गरेका छन् भने प्रहरीले साढे २ लाख प्रदर्शनकारी भएको बताएको छ । हङकङमा २० वर्षभन्दा पछि भएको यो नै सबैभन्दा ठूलो प्रदर्शन रहेको बीबीसीले जनाएको छ । प्रदर्शनका क्रममा प्रहरी र प्रदर्शनकारीबीच ठाउँठाउँमा झडपसमेत भएको थियो ।

मास्क लगाएका केही प्रदर्शनकारीले विधान परिषद्को कार्यालयमा प्रवेश गर्ने प्रयास गरेपछि प्रहरीले उनीहरुलाई बल प्रयोग गरेर हटाएको थियो । त्यसक्रममा प्रहरीले लाठी प्रहार गर्दै खुर्सानीको स्प्रे प्रयोग गरेको थियो । केही प्रदर्शनकारी र प्रहरीको अनुहार रगताम्मे भएको देखिएको बीबीसीले उल्लेख गरेको छ ।


Leave a Reply

Your email address will not be published. Required fields are marked *