1. Home
  2. /
  3. विदेश
  4. /
  5. मेक्सिकोको सामानमा कर लगाउने...

मेक्सिकोको सामानमा कर लगाउने निर्णय फिर्ता लिएको ट्रम्पद्वारा ट्वीट मार्फत जानकारी

२०७६, २६ जेष्ठ आईतवार ०७:५०


वासिङ्टन: अमेरिकी राष्ट्रपति डोनाल्ड ट्रम्पले मेक्सिकोबाट आयात हुने सामानहरुमा कर लगाउने आफ्नो निर्णय फिर्ता लिएका छन् । मेक्सिकोबाट गैर कानूनी रुपमा अमेरिका प्रवेश गर्ने प्रयासमा रहेका आप्रवासीहरुलाई रोक्न ट्रम्पले केही दिन अघि कर लगाउने निणर्य गरेका थिए ।

ट्रम्पले जुन १० बाट मेक्सिकोबाट भित्रिने सामानहरुमा पाँच प्रतिशत कर लगाउने उल्लेख गर्दै अवैधानिक आप्रवासनको समस्या समाधान नभए करको दायरा बढ्दै जाने चेतावनी दिएका थिए । ट्रम्पको निर्णयलाई मेक्सिकोले ‘विनाशकारी’ भन्दै यस निर्णय विरुद्ध आफूहरुले पनि कडा कदम चाल्न सक्ने बताएको थियो । तर, मेक्सिकोले आप्रवासी रोक्न कदम चाल्ने भन्दै लिखित सम्झौता नै गरेपछि ट्रम्पले आफ्नो निर्णय फिर्ता लिएको बताइएको छ ।

ट्वीट गर्दै ट्रम्पले मेक्सिकोसँग भएको सम्झौता बारेमा जानकारी दिएका हुन् । उनले सोमबारबाट लगाउने भनिएको कर फिर्ता लिएको भन्दै मेक्सिकोले अमेरिकामा प्रवेश गर्ने तयारीमा रहेका आप्रवासीहरुलाई नियन्त्रणमा लिन कडा उपायहरु अपनाउने सहमती गरेको बताएका छन् ।


र यो पनि...

आर्सनल र वाट्फोर्डले खेले बराबरी

त्रिदेशीय टी-ट्वान्टी क्रिकेट श्रृंखला अन्तर्गतको तेश्रो खेलमा अफगानिस्तान विजयी

हङकङमा जारी प्रदर्शनले उग्र रुप लिँदै, प्रदर्शनकारीमाथि पेट्रोल बम र पानीको फोहरा प्रहार

भारतको आन्ध्र प्रदेशमा डुङ्गा दुर्घटना हुँदा १२ जनाको मृत्यु, ३० जना बेपत्ता

कोशी सम्झौता कार्यान्वयन गर्न माग गर्दै किसानहरुले सुरु गरेको रिले अनसनको एक महिना पुरा

नागरिकता विवादित विधेयकबारे नेकपा र कांग्रेसका शीर्ष नेताबीच छलफल

सोमबार मध्यरातबाट पाँच साताका लागि बेलायती संसद् निलम्बन

आयरल्यान्डलाई हराउँदै जर्मन युरोकप छनोटको शीर्षस्थानमा उक्लियो

बेल्जियमको सानदार जित, स्कटल्याण्ड बाहिरियो


Leave a Reply

Your email address will not be published. Required fields are marked *