1. Home
  2. /
  3. विदेश
  4. /
  5. मेक्सिकोको सामानमा कर लगाउने...

मेक्सिकोको सामानमा कर लगाउने निर्णय फिर्ता लिएको ट्रम्पद्वारा ट्वीट मार्फत जानकारी

२०७६, २६ जेष्ठ आईतवार ०७:५०


वासिङ्टन: अमेरिकी राष्ट्रपति डोनाल्ड ट्रम्पले मेक्सिकोबाट आयात हुने सामानहरुमा कर लगाउने आफ्नो निर्णय फिर्ता लिएका छन् । मेक्सिकोबाट गैर कानूनी रुपमा अमेरिका प्रवेश गर्ने प्रयासमा रहेका आप्रवासीहरुलाई रोक्न ट्रम्पले केही दिन अघि कर लगाउने निणर्य गरेका थिए ।

ट्रम्पले जुन १० बाट मेक्सिकोबाट भित्रिने सामानहरुमा पाँच प्रतिशत कर लगाउने उल्लेख गर्दै अवैधानिक आप्रवासनको समस्या समाधान नभए करको दायरा बढ्दै जाने चेतावनी दिएका थिए । ट्रम्पको निर्णयलाई मेक्सिकोले ‘विनाशकारी’ भन्दै यस निर्णय विरुद्ध आफूहरुले पनि कडा कदम चाल्न सक्ने बताएको थियो । तर, मेक्सिकोले आप्रवासी रोक्न कदम चाल्ने भन्दै लिखित सम्झौता नै गरेपछि ट्रम्पले आफ्नो निर्णय फिर्ता लिएको बताइएको छ ।

ट्वीट गर्दै ट्रम्पले मेक्सिकोसँग भएको सम्झौता बारेमा जानकारी दिएका हुन् । उनले सोमबारबाट लगाउने भनिएको कर फिर्ता लिएको भन्दै मेक्सिकोले अमेरिकामा प्रवेश गर्ने तयारीमा रहेका आप्रवासीहरुलाई नियन्त्रणमा लिन कडा उपायहरु अपनाउने सहमती गरेको बताएका छन् ।


Leave a Reply

Your email address will not be published. Required fields are marked *