1. Home
  2. /
  3. खेलकुद
  4. /
  5. प्रधानमन्त्री कप एकदिवसीय क्रिकेट...

प्रधानमन्त्री कप एकदिवसीय क्रिकेट प्रतियोगिताको उपाधि नेपाल पुलिस क्लवले जित्यो

२०७६, २६ जेष्ठ आईतवार ०७:४३


काठमाडौं: तेस्रो संस्करणको प्रधानमन्त्री कप एकदिवसीय क्रिकेट प्रतियोगिताको उपाधि नेपाल पुलिस क्लवले जितेको छ । त्रिभुवन आर्मीलाई ४ विकेटले पराजित गर्दै पुलिस यसवर्षको च्याम्पियन बनेको हो ।

उपाधिसंगै पुलिसले नगद २० लाख रुपैयाँ प्राप्त गरेको छ भने उपविजेता आर्मीले १० लाख रुपैयामा चित्त बुझाएको छ । १ सय २६ रनको लक्ष्य पुलिसले ४१औँ ओभरमा ६ विकेटको क्षतिमा पुरा गर्यो । पुलिसको जितमा अमित श्रेष्ठले ४४ रन बनाए भने सुनिल धमला ४२ रनमा अविजित रहे । आर्मीका लागि करण केसीले ३ विकेट लिए भने साहव आलम २ र सुशन भारीको नाममा १-१ विकेट रह्यो ।

टस जितेर पहिला ब्याटिङ गरेको आर्मीले ३३ दशमलब ३ ओभरमा सबै विकेट गुमाएर १ सय २५ रन बनाएको थियो । उत्कृष्ट सुरुवात गरेको आर्मीले त्यसलाई निरन्तरता दिन नसक्दा विशाल योगफल बनाउन चुकेको थियो । आर्मीले ३६ रन जोड्न ७ विकेट गुमाएपछि ठूलो योगफल बनाउन चुकेको थियो । आर्मीलाई सस्तैमा रोक्न पुलिसका ललित नारायण राजवंशी र पवन शराफले समान ४-४ विकेट लिए भने सागर ढकालको नाममा १ विकेट रह्यो ।

आर्मीका लागि सोमपाल कामीले ३५ रन बनाए भने राजु रिजालले ३२ रन जोडे । प्रतियोगितामा ललितनारायण राजवंशी म्यान अफ दि सिरिज घोषित भए । उनी फाइनल खेलमा ४ विकेट लिंदै म्यान अफ दि म्याच पनि घोषित भए । साथै प्रतियोगिताभर २० विकेट लिएका राजवंशी बेस्ट बलरसमेत घोषित भए । प्रतियोगितामा सर्वाधिक २ सय ६१ रन बनाएका आर्मीका विकेटकिपर ब्याट्सम्यान राजु रिजाल बेस्ट ब्याट्सम्यान घोषित भए । उनले ३ अर्धशतक समेत प्रहार गरेका थिए । यसैगरी सुदूरपश्चिमका युवा ब्याट्सम्यान खडग बोहरा उदीयमान खेलाडी घोषित भए । उनले एक अर्धशतक सहित १ सय २१ रन बनाएका थिए ।


र यो पनि...

आर्सनल र वाट्फोर्डले खेले बराबरी

त्रिदेशीय टी-ट्वान्टी क्रिकेट श्रृंखला अन्तर्गतको तेश्रो खेलमा अफगानिस्तान विजयी

हङकङमा जारी प्रदर्शनले उग्र रुप लिँदै, प्रदर्शनकारीमाथि पेट्रोल बम र पानीको फोहरा प्रहार

भारतको आन्ध्र प्रदेशमा डुङ्गा दुर्घटना हुँदा १२ जनाको मृत्यु, ३० जना बेपत्ता

कोशी सम्झौता कार्यान्वयन गर्न माग गर्दै किसानहरुले सुरु गरेको रिले अनसनको एक महिना पुरा

नागरिकता विवादित विधेयकबारे नेकपा र कांग्रेसका शीर्ष नेताबीच छलफल

सोमबार मध्यरातबाट पाँच साताका लागि बेलायती संसद् निलम्बन

आयरल्यान्डलाई हराउँदै जर्मन युरोकप छनोटको शीर्षस्थानमा उक्लियो

बेल्जियमको सानदार जित, स्कटल्याण्ड बाहिरियो


Leave a Reply

Your email address will not be published. Required fields are marked *