1. Home
  2. /
  3. खेलकुद, ब्रेकिङ न्युज, मुख्य खबर
  4. /
  5. अन्तर्राष्ट्रिय मैत्रीपूर्ण फुटबल खेलमा...

अन्तर्राष्ट्रिय मैत्रीपूर्ण फुटबल खेलमा आज नेपालले चाइनिज ताइपेसँग प्रतिस्पर्धा गर्दै

२०७६, २३ जेष्ठ बिहीबार ०८:२०


काठमाडौं: अन्तर्राष्ट्रिय मैत्रीपूर्ण फुटबल खेलमा आज नेपालले चाइनिज ताइपेसँग प्रतिस्पर्धा गर्दैछ । ताईवानमा हुने खेल नेपाली समय अनुसार ४:४५ बजे सुरु हुनेछ ।

विश्वकप छनोटको तयारी स्वरुप मैत्रीपुर्ण खेलका लागि नेपाली टिम चाईनिज ताईपे पुगेको हो । गत आईतबार नेपालले मलेसियासंग मैत्रीपुर्ण फुटबल खेलेको थियो । सो खेल नेपालले २-० ले गुमाएको थियो । राष्ट्रिय टिमको नेतृत्व सम्हाले लगत्तै कालिन नेतृत्वको टिमले कुवेतमा खेल्न गएको थियो । कुवेतसँग पहिलो खेल गोल रहित बराबरी खेलेको नेपालले दोस्रो खेलमा भने पराजय ब्यहोरेको थियो । कालिन नेतृत्वको टिमले रक्षात्मक रुपमा राम्रो प्रर्दशन गरेपनि फरवार्ड लाईनबाट निकाल्न सकेको छैन । कालिनले टिममा ब्यापक फेरबदल गर्दा समेत नतिजा निकाल्न सकेका छैनन् ।

गोलको खडेरी भोग्दै आएको नेपाली टिममा पुन उही समस्या दोहरिएको छ । तर नेपालले पछिल्लो समय प्रतिस्पर्धा गरेका टिम प्राविधिक रुपमा बलिया देशहरु हुन् । फिफा वरियतामा नेपाल भन्दा माथि रहेको चाईनिज ताईपेविरुद्व समेत नेपाली टिमले कडा चुनौती पेश गर्ने प्रयास गर्नेछ । मलेसियामा लयमा बिगारेको नेपाली टिम ताइवानमा उत्कृष्ट प्रर्दशनको प्रयास गर्नेछ । फिफा वरियतामा ताईपे १ सय २५ औ स्थानमा छ । वरियतामा नेपाल १ सय ६१ औ स्थानमा छ । नेपाल आफु भन्दा ३६ स्थान माथि रहेको ताईपेसंग मैत्रीपुर्ण फुटबल खेल खेल्न लागेको हो ।


Leave a Reply

Your email address will not be published. Required fields are marked *