1. Home
  2. /
  3. देश, ब्रेकिङ न्युज, मुख्य खबर
  4. /
  5. रसुवाको गुम्चेतमा भएको टाटासुमो...

रसुवाको गुम्चेतमा भएको टाटासुमो दुर्घटनामा परि मृत्यु हुनेको संख्या तीन पुग्यो

२०७६, २१ जेष्ठ मंगलवार ०८:३१


काठमाडौं: त्रिशूली-रसुवागढी सडकमार्गमा टाटासुमो दुर्घटनामा परि मृत्यु हुनेको संख्या तीन पुगेको छ । पोखराबाट रसुवाको गोल्जुङ जाँदै गरेको बा १० च ५८२० नम्बरको टाटासुमो रसुवाको गुम्चेतमा सोमबार बेलुकी दुर्घटनामा परेको थियो । दुर्घटनामा परी मृत्यु हुनेको संख्या ३ पुगेको छ ।

मृत्यु हुनेमा रसुवाको आमाछोदिङ्मो गाउँपालिका–४ का मेन्दु घले, साहिली घले र नोर्वु तामाङ रहेको प्रहरीले जनाएको छ । दुर्घटनामा परी तीन जना हराइरहेका छन् । हराउनेहरुमा पासाङदे घले, कामीयाङ्जेन तामाङ ल्येतङ घले रहेको प्रहरीले जनाएको छ । हराइरहेका तीन जनाको आज विहानैदेखि घटनास्थलमा खोजी कार्य सुरु गरिएको छ ।

दुर्घटनामा ५ जना घाइते भएका छन् भने चार जनाको अवस्था गम्भीर रहेको छ । घाइतेहरुको काठमाडौको दुई अस्पतालमा उपचार भइरहेको जिल्ला प्रहरी कार्यालय रसुवाले जनाएको छ । जिप सडकमार्गबाट भीरमा खसेर त्रिशूली नदीमा पुगेको छ ।


Leave a Reply

Your email address will not be published. Required fields are marked *