एनसेलको फोरजी अब देशको एक हजार बढी स्थानमा

२०७६, २० जेष्ठ सोमबार ०८:००


काठमाडौं: एनसेलले नवीन प्रविधि भित्र्याइ त्यसको लाभ ग्राहकलाई प्रदान गर्ने प्रतिवद्धताबमोजिम देशकै बृहद् चौथो पुस्ताको मोबाइल सेवा फोरजी लङ टर्म इभोलुसन (एलटीई) नेटवर्क थप विस्तार गरी देशका एक हजारभन्दा बढी स्थानमा फोरजी सेवा पुर्‍याएको छ ।

एनसेलले आइतबार फोरजी सेवा देशका सातै प्रदेशका एक हजारभन्दा बढी स्थानमा बसोबास गर्ने नेपालीको पहुँचमा पुगेको घोषणा गरेको छ । अब प्रायः सबै सहर र सहरी क्षेत्रभन्दा बाहिर रहेका ग्राहकले पनि द्रूत गतिको मोबाइल ब्रोडब्यान्ड सेवामा पहुँच र यसले दिने नयाँ अवसरबाट फाइदा लिन सक्नेछन् ।

‘हाम्रा प्रिय ग्राहकलाई द्रूत गतिको मोबाइल कनेक्टिभिटीमा पहुँच सुनिश्चित गर्न, सहरी क्षेत्रभन्दा बाहिरका स्थानसमेत समेट्दै सफलतापूर्वक फोरजी सेवा विस्तार गरिएको र यो सेवा अझै देशव्यापी रूपमा विस्तार गर्ने कार्य भइरहेको घोषणा गर्न पाउँदा निकै हर्षित छौं’, एनसेलका कार्यवाहक प्रमुख कार्यकारी अधिकृत एन्डी चोङले भने ।

एनसेलको फोरजी नेटवर्कले सरकारद्वारा बजेटमा घोषणा गरिएको डिजिटल नेपाल फ्रेमवर्कको कार्यान्वयनमा योगदान गर्ने कुरामा विश्वस्त रहेको उनको भनाइ छ। यो ब्रोडब्यान्ड पूर्वाधार तथा उच्च गतिको इन्टरनेट सेवामा पहुँच वृद्धि गर्न केन्द्रित राष्ट्रिय ब्रोडब्यान्ड नीतिअनुरूप रहेको उनले जानकारी दिए ।

सेवा विस्तारसँगै एनसेलको फोरजी सिम तथा फोरजी सेवा सपोर्ट गर्ने मोबाइल सेट प्रयोग गर्ने सबै प्रिपेड तथा पोस्ट पेड ग्राहकले दू्रत गतिको मोबाइल ब्रोडब्यान्ड सेवाको मजाका साथै यसबाट लाभ लिन सक्नेछन् । दुई वर्षअघि एनसेलले फोरजी सेवा काठमाडौं उपत्यकालगायत नगरकोट, बनेपा तथा धुलिखेलमा सेवा सुरु गरेको थियो । यो सेवा अब विराटनगर, इटहरी, जनकपुर, भरतपुर, भैरहवा, बुटवल, बागलुङ, नेपालगञ्ज, तुल्सीपुर, तम्घास, पाल्पा, कृष्णनगर, बर्दिबास, राजविराज, मलंगवा र धनकुटालगायत एक हजारभन्दा बढी स्थानमा उपलब्ध छ । सिम कार्डलाई अझै फोरजीमा परिवर्तन नगरेक ग्राहकले नजिकैको एनसेल सेन्टरमा गई एक रुपैयाँ तिरेर फोरजी चल्ने सिम (युसिम) लिन सक्नेछन् ।


र यो पनि...

लघु र घरेलु साना उद्यमका लागि राष्ट्र बैंकले ल्यायो १५ लाखसम्मको पुनःकर्जा दिन सकिने प्रावधान

मोबाइल एपमार्फत सिटिजन लाइफ इन्स्योरेन्सको आफ्नो विवरण आफै हेर्न सकिने

केएमसीका चार जना स्वास्थ्यकर्मीमा पनि कोरोना संक्रमण भएको पुष्टि, संक्रमितको संख्या दुई हजार नाघ्यो

स्याङ्जा ५ र पर्वतमा ५ जनामा कोरोना भाइरस संक्रमण पुष्टि, संक्रमितको संख्या १ हजार ८ सय २१ पुग्यो

भिडियो कन्फ्रेन्स मार्फत एन्फाको कार्यसमिति बैठक, ७० करोडको बजेट प्रस्तुत, थापा कारबाहीको बिषय अनुमोदन

‘लकडाउन’का कारण दुई महिना रोकिएको शैक्षिक क्षेत्र असार १ गतेदेखि सुरु हुने, वैकल्पिक विधिबाट पठन-पाठन

एमसीसी सम्झौता राष्ट्रहित विपरित हुने भन्दै युवा कम्युनिष्ट लिगले निकाल्यो विज्ञप्ती

नेपालमा १८११ जनामा कोरोना सङ्क्रमण भएको पुष्टी, अहिलेसम्म २२१ जना संक्रमित निको भएर घर फर्किए

गैरआवासीय नेपाली संघ (एआरएनए) पोर्चुगलका अध्यक्ष गैरेलाई सामाजिक सम्मान


Leave a Reply

Your email address will not be published. Required fields are marked *