1. Home
  2. /
  3. आर्थिक, कर्पोरेट, ब्रेकिङ न्युज, मुख्य खबर, समाचार
  4. /
  5. आर्थिक वर्ष बजेटको अनुसुचि...

आर्थिक वर्ष बजेटको अनुसुचि १ मा प्रस्तुत आय व्यय विवरणमा अङ्क गणितिय त्रुटी फेला

२०७६, २० जेष्ठ सोमबार ०८:०२


काठमाडौं: आर्थिक वर्ष २०७६/७७ को बजेटको अनुसुचि १ मा प्रस्तुत आय व्यय विवरणमा अङ्क गणितिय त्रुटी फेला परेको छ । उक्त अनुसुचीमा चालु आर्थिक वर्षको संसोधित अनुमान अनुसार चालुतर्फ ७५३ अर्व, पुँजीगत तर्फ २७३ अर्व र वित्तिय व्यवस्थातर्फ १५३ अर्व गरी कुल १२ खर्व ८ अर्व खर्च हुने अनुमान गरिएको छ ।

त्यस्तै सरकारले यो आर्थिक वर्ष ८६० अर्व राजस्व संकलनको लक्ष्य राखेकोमा स्थानिय तहलाई दिनुपर्ने १०२ अर्व राजस्वलाई कुल राजश्वबाट घटाउनुपर्नेमा जोडेर गल्ती गर्दा ९६२ अर्व राजस्व लक्ष्य देखाएको छ । तर स्थानीय तहको राजस्वको अंश १०२ अर्व घटाउँदा ७५८ अर्व राजश्व मात्रै संघले खर्च गर्न पाउँछ ।

सरकारले संकलनको लक्ष्य राखेको ७५८ अर्व राजस्व, ४६ अर्व बैदेशिक अनुदान, २१० अर्व वैदेशिक ऋण र १७२ अर्व आन्तरिक ऋण जोड्दा कुल ११ खर्व ८६ अर्व हुन आउँछ । बजेटको स्रोत र खर्चवीचको अन्तर शुन्य हुनुपर्नेमा खर्च २२ अर्ब वढी देखिन्छ । यसबाट अर्थमन्त्री युवराज खतिवडाले २२ अर्व आन्तरिक ऋणको सिमा नाघेर उठाउने तयारी गरेको प्रस्ट हुन्छ । अनुसुचि १ को अंकगणितिय त्रुटी र संसदले तोकेको १७२ अर्बको सिमा उल्लंघन गर्दै १९४ अर्व आन्तरिक ऋण उठाउन लागेकोप्रति आइतवार प्रतिनिधि सभामा नेपाली कांग्रेसका सांसद डा. मिनेन्द्र रिजालले अर्थमन्त्रीको जवाफ मागे ।

रिजालले राखेको प्रश्नको जवाफ दिंदै अर्थमन्त्री खतिवडाले मेसिनले जोड्नुपर्ने तथ्याङ्क हातले जोड्दा गल्ति भएको स्वीकार गर्दै त्यसलाई सच्याइ सकिएको बताए । संसदलाई झुक्याएर लक्ष्यभन्दा बढी आन्तरिक ऋण नउठाउन सांसद रिजालले चेतावनी दिएपछि अर्थमन्त्री खतिडाले भने आन्तरिक ऋण सिमा भन्दा माथि गएर नउठाइने प्रतिवद्धता दोहोर्‍याए ।


र यो पनि...

नेपाललाई अघिल्लो चरण पुग्न माल्दिभ्सलाई हराउनैपर्ने दवाव

नेपाल-भारत संयुक्त आयोगको पाँचौँ बैठक काठमाडौँमा सुरु हुँदै

आवश्यक गृहकार्य नपुगेको भन्दै मंगलबार स्थगित भएको नेकपाको सचिवालय बैठक आज पुन: बस्दै

इन्डोनेसियाको पश्चिमी प्रान्तमा भ्रम फैलाउन खोजेको भन्दै सरकारद्वारा इन्टरनेट सुविधामा कटौती

टेकबहादुर-विष्णुमाया सुनुवार स्मृति पुरस्कार महेश मुखियालाई प्रदान [फोटो फिचर]

जन आकाश मिडियाको १२औं वार्षिकोत्सव सम्पन्न

ईंग्लिस प्रिमियर लिग फुटबलमा साविकको विजेता म्यानचेस्टर सिटी बराबरीमा रोकिए

आर्सनलको कठिन जित

लिभरपुलको लगातार दोस्रो जित


Leave a Reply

Your email address will not be published. Required fields are marked *