1. Home
  2. /
  3. कला/शैली, कलिउड
  4. /
  5. “तेस्रो आदिवासी जनजाति चलचित्र...

“तेस्रो आदिवासी जनजाति चलचित्र महोत्सव २०७६” हुँदै

२०७६, १५ जेष्ठ बुधबार १५:३१


काठमाडौं: तेस्रो आदिवासी जनजाति चलचित्र महोत्सव २०७६ यहि जेठ २४, २५ र २६ गतेसम्म राष्ट्रिय सभागृह काठमाडौंमा हुने भएको भएको छ । उक्त महोत्सव नेपाल आदिवासी जनजाति चलचित्र महासंघको आयोजनामा हुन लागेको पत्रकार सम्मेलन गरी जानकारी गराएको हो ।

 

महासंघले आफ्नो स्थापनाकालदेखि नै आदिवासी जनजाति चलचित्रहरुको प्रवर्द्धन तथा संवर्द्धन गर्नका लागि हरेक वर्ष विभिन्न कार्यक्रम सहित विगत दुई वर्षदेखि आदिवासी जनजाति चलचित्र महोत्सवको आयोजना गर्दै उत्कृष्ट चलचित्रलाई अवार्ड वितरण गर्दै आईरहेको महासंघका अध्यक्ष अमृतबहादुर सुनुवारले जानकारी दिए । हालसम्म सात सयभन्दा बढी कथानक आदिवासी चलचित्र र पाँच सय भन्दा बढी छोटो चलचित्र र डकुमेन्ट्री निर्माण भईसकेको विज्ञप्तीमा उल्लेख छ ।

 

राज्यले सम्बन्धित निकायमा चासोका साथ यसलाई प्राथमिकता दिई अवसर प्रदान गर्ने हो भने आदिवासी चलचित्रले राष्ट्रको मौलिक पहिचान बचाई राख्नुको साथै नेपालको सांस्कृतिक र प्राकृतिक क्षेत्रको पर्यटन विकास गर्दै मुलुकको अर्थतन्त्रमा ठूलो टेवा पुर्याउने विश्वासका साथ महासंघले तीन दिवसीय आदिवासी जनजाति चलचित्र महोत्सव २०७६ आयोजना गर्न लागिएको पत्रकार सम्मेलन मार्फत जानकारी दिएको छ ।

 

महोत्सवमा आदिवासी जनजाति चलचित्र, बृत्तचित्र र छोटा चलचित्र गरी २० वटा चलचित्र प्रदर्शन गरिने जनाएको छ । महोत्सवमा आदिवासी जनजाति चलचित्रको वस्तुगत अवस्थाको बारेमा जानकारी डेक्स, विभिन्न आदिवासी जनजाति समुदायको परम्परागत खानाको स्टलहरु, आदिवासी जनजाति समुदायका मौलिक भेषभुषा, हस्तकला, पुस्तक आदिको स्टलहरु पनि राखिने जनाएको छ ।

 

महोत्सवमा प्रदर्शन गरिएका चलचित्रहरुलाई दर्शकहरुबाट छनोट गरिएको उत्कृष्ट चलचित्रलाई पब्लिक च्वाईस आवार्ड, उत्कृष्ट आदिवासी जनजाति चलचित्र (जुरी अवार्ड), अभिनय तर्फ महिला/पुरुष उत्कृष्ट कलाकार, उत्कृष्ट निर्देशक र उत्कृष्ट छायाँकार गरी जम्मा छ विधामा अवार्ड पनि वितरण गरिने आयोजकले पत्रकार सम्मेलन मार्फत जानकारी गराएको छ ।

 

महोत्सवमा सहभागी चलचित्रहरु:
म्ले क्यु (गुरुङ), रिजेनासा (गुरुङ), मोङो डोङो-२ (माझी), द लस्ट नोमेड्स अफ एभरेष्ट (शेर्पा), पुल्टी (राजवंशी), यारी (राई), वाम्बुले राई संस्कार (राई), छेँगु (सुनुवार), आङा थेबा (तामाङ), झुमरा नाच (थारु), खुर्पेटो (मगर), साङ्गेला ध्रान (तामाङ), कृषा गौतमी (नेवार), नौलिन भद्रकाली जात्रा (नेवार), तिनपाने (मगर), के (लिम्बु), धुर्सा (तामाङ), के साङ्ला (लिम्बु), निप्हुगाल (भुजेल) र सिरुवा पावैन (थारु) रहेका छन् ।


र यो पनि...

नेपाललाई अघिल्लो चरण पुग्न माल्दिभ्सलाई हराउनैपर्ने दवाव

नेपाल-भारत संयुक्त आयोगको पाँचौँ बैठक काठमाडौँमा सुरु हुँदै

आवश्यक गृहकार्य नपुगेको भन्दै मंगलबार स्थगित भएको नेकपाको सचिवालय बैठक आज पुन: बस्दै

इन्डोनेसियाको पश्चिमी प्रान्तमा भ्रम फैलाउन खोजेको भन्दै सरकारद्वारा इन्टरनेट सुविधामा कटौती

टेकबहादुर-विष्णुमाया सुनुवार स्मृति पुरस्कार महेश मुखियालाई प्रदान [फोटो फिचर]

जन आकाश मिडियाको १२औं वार्षिकोत्सव सम्पन्न

ईंग्लिस प्रिमियर लिग फुटबलमा साविकको विजेता म्यानचेस्टर सिटी बराबरीमा रोकिए

आर्सनलको कठिन जित

लिभरपुलको लगातार दोस्रो जित


Leave a Reply

Your email address will not be published. Required fields are marked *