1. Home
  2. /
  3. देश, प्रदेश्, ब्रेकिङ न्युज, मुख्य खबर
  4. /
  5. विप्लव समूहको नेपाल बन्दका...

विप्लव समूहको नेपाल बन्दका कारण जनजीवन प्रभावित, त्रासले शैक्षिक संस्था बन्द, यातायात पनि प्रभावित

२०७६, १३ जेष्ठ सोमबार ०८:३७


काठमाडौं: विप्लव समूले आह्वान गरेको नेपाल बन्दका कारण देशभरको जनजीवन प्रभावित भएको छ । भोजपुरमा प्रहरीको गोलीबाट कार्यकर्ता तीर्थराज घिमिरे मारिएको विरोधमा नेत्रविक्रम चन्द विप्लव नेतृत्वको नेकपाले सोमबार गरेको बन्दका क्रममा सवारीसाधनमा आगजनी भएको छ ।

बन्दको प्रभाव उपत्यका र देशका विभिन्न जिल्लामा पनि परेको छ । विप्लवले बन्द घोषणा गरेपछि राजधानी उपत्यकाका शैक्षिक संस्थाले पठन पाठन नहुने सूचना पठाएका छन् । बन्दले गर्दा देशका विभिन्न जिल्लामा लामो तथा छोटो दुरीका सवारीसाधन चल्न समस्या भएको छ । राजधानीको घट्टेकुलो र सुकेधारामा भएको विस्फोटमा चारजनाले आइतवार ज्यान गुमाएपछि सर्सवाधरण त्रसित भएका छन् ।

बन्दका कारण अधिकांश जिल्लामा सवारी सञ्चालनमा आएका छैनन् भने उद्योग, कलकारखाना र शिक्षण संस्थान पनि ठप्प रहेका छन् । बिहानैदेखि देशका विभिन्न स्थानमा संखासपद बस्तु भेटिएका छन् । मोरङको बुढिगँगा गाउँपालिका १ कोशी कोशी राजमार्गमा, सुन्दरहरैंचाको वडा नम्बर ७ ठडियामा र पाथीभरा टोलमा शङ्कास्पद वस्तु फेला परेको छ ।

त्यस्तै अर्घाखाँची बागीखोलाको कच्बे पुल नजिकै र सन्धिखर्कस्थित आवसीय माविमा पनि शंकास्पद वस्तु फेला परेको छ । त्यस्तै बाराको जीतपुरसिमरा उपमहानगरपालिका-३, बजनीमा एपी ३१ एक्स ६३१६ नम्बरको लरीमा आगजनी भएको छ । मकवानपुरको थाहा नगरपालिका-१ कुन्छाल नजिकै ना ६ ख ८००७ नम्बरको आइचर गाडी जलाइएको छ ।

त्यस्तै हेटौंडाको चौकीटोलमा प्रहरी चौकी नजिकै ना ७ ख ९४९३ नम्बरको मिनी ट्रकमा आगजनी भएको छ । हेटौंडाको बुद्धचोकमा, तनहुँका दुई स्थानमा, पोखराका दुइ स्थानमा रौतहट, धादिङ भक्तपुरमा पनि बम फेला परेका छन् । देशका विभिन्न स्थानमा बम भेटिएपछी देशभरको सुरक्षा व्यवस्था चुस्त बनाइएको छ । बन्दका क्रममा कुनै अप्रिय घटना नहोस् भनेर ठूलो संख्यामा सुरक्षाकर्मी परिचालन गरिएको छ ।


र यो पनि...

आर्सनल र वाट्फोर्डले खेले बराबरी

त्रिदेशीय टी-ट्वान्टी क्रिकेट श्रृंखला अन्तर्गतको तेश्रो खेलमा अफगानिस्तान विजयी

हङकङमा जारी प्रदर्शनले उग्र रुप लिँदै, प्रदर्शनकारीमाथि पेट्रोल बम र पानीको फोहरा प्रहार

भारतको आन्ध्र प्रदेशमा डुङ्गा दुर्घटना हुँदा १२ जनाको मृत्यु, ३० जना बेपत्ता

कोशी सम्झौता कार्यान्वयन गर्न माग गर्दै किसानहरुले सुरु गरेको रिले अनसनको एक महिना पुरा

नागरिकता विवादित विधेयकबारे नेकपा र कांग्रेसका शीर्ष नेताबीच छलफल

सोमबार मध्यरातबाट पाँच साताका लागि बेलायती संसद् निलम्बन

आयरल्यान्डलाई हराउँदै जर्मन युरोकप छनोटको शीर्षस्थानमा उक्लियो

बेल्जियमको सानदार जित, स्कटल्याण्ड बाहिरियो


Leave a Reply

Your email address will not be published. Required fields are marked *