1. Home
  2. /
  3. ब्रेकिङ न्युज, मुख्य खबर, समाचार
  4. /
  5. उपत्यकामा बम आतंकः मृत्यु...

उपत्यकामा बम आतंकः मृत्यु हुनेको संख्या ४ पुग्यो, सुरक्षा व्यवस्था कडा पार्न गृहमन्त्रीको निर्देशन

२०७६, १३ जेष्ठ सोमबार ०८:३७


काठमाडौं: काठमाडौंको विभिन्न स्थानमा भएको श्रृंखलाबद्ध विष्फोटमा परि ४ जनाले ज्यान गुमाएका छन् भने अन्य ८ जना घाइते भएका छन् । काठमाडौंको सुकेधारा र अनामनगर-घट्टेकुलोमा भएको विस्फोटमा यो हताहती भएको हो ।

राजधानीका विभिन्न स्थानमा एक पछि अर्को स्थानमा बम विस्फोट भएपछि गृहमन्त्रालयमा सुरक्षा समितिको आकस्मिक बैठकमा गृहमन्त्री रामबहादुर थापा बादलले देशभरको सुरक्षा व्यवस्था चुस्त बनाउन सुरक्षा निकायलाई निर्देशन दिएका छन् ।

सुकेधारास्थित हेयरकटिङ सैलुनमा हिजो दिउसो साढे ४ बजेतिर विस्फोट भएको थियो भने त्यसको केही समय पछि अनामनगरमा सोही प्रकृतिको विष्फोट भएको थियो । सुकेधारा विस्फोटमा घटनास्थलमै दुई जना, घट्टेकुलोमा एकजना र उपचारको क्रममा ओम अस्पतालमा एकजनाको मृत्यु भएको प्रहरीले जानकारी दिएको छ ।

घटनास्थलमा प्रतिबन्धित विप्लव समूहको नेपाल बन्द सम्बन्धि पर्चा पनि फेला परेको प्रहरीले बताएको छ । प्रत्यक्षदर्शीका अनुसार सुकेधारमा ७ जनाको समूहमा आएका अपरिचित ब्यक्तिले बम राखेर गएको र केही समय पछाडी नै विस्फोट भएको थियो ।

यस्तै काठमाडौं भित्रिने नाका नागढुंगामा आफैंले बोकेर ल्याउँदै गरेको बम विष्फोट हुँदा दुईजना घाइते भएका छन् । यता, ललितपुरको लगनखेल बसपार्क, ग्वार्को र सानेपामा भेटिएको प्रेसर कुकर बम नेपाली सेनाको डिष्पोजल टोलिले निष्क्रिय पारेको थियो ।

राजधानीका विभिन्न स्थानमा शृङ्खलाबद्ध बम विस्फोट र शंकापद वस्तु भेटिरहेका बेला कोटेश्वरबाट प्रहरीले विप्लव समूहका सातजना कार्यकर्ता पक्राउ गरेको छन् । उनीहरुको साथबाट चारवटा प्रेसर कुकरसमेत बरामद गरेको प्रहरीले जनाएको छ । काठमाडौंमा भएको श्रृंखलाबद्ध विष्फोटको घटनाले जनमानसमा त्रास फैलिएको छ ।


र यो पनि...

टेकबहादुर-विष्णुमाया सुनुवार स्मृति पुरस्कार महेश मुखियालाई प्रदान [फोटो फिचर]

जन आकाश मिडियाको १२औं वार्षिकोत्सव सम्पन्न

ईंग्लिस प्रिमियर लिग फुटबलमा साविकको विजेता म्यानचेस्टर सिटी बराबरीमा रोकिए

आर्सनलको कठिन जित

लिभरपुलको लगातार दोस्रो जित

स्पेनिस ला लिगामा रियल मड्रिडको विजयी सुरुवात

जर्मन बुन्डेस लिगामा बोरुसिया डर्टमन्डको शानदार शुरुवात

बेलायतका प्रधानमन्त्री बोरिस जोनसन र फ्रान्सका राष्ट्रपति इमानुएल म्याक्रोनबीच ब्रेजिक्टका बारेमा छलफल हुने

आज देशका अधिकांश स्थानमा मौसम बदली हुने, पश्चिमी र पूर्वी क्षेत्रका केही स्थानमा भारी वर्षाको सम्भावना


Leave a Reply

Your email address will not be published. Required fields are marked *