1. Home
  2. /
  3. विदेश
  4. /
  5. ब्रेक्जिट सम्झौताका लागि संसदमा...

ब्रेक्जिट सम्झौताका लागि संसदमा ‘दमदार खाका’ पेस गरिने

२०७६, ७ जेष्ठ मंगलवार १५:४९


लन्डन: बेलायती प्रधानमन्त्री थेरेसा मेले युरोपेली संघ (इयू) बाट बेलायतको बहिर्गमन (ब्रेक्जिट) का लागि संसद मार्फत अर्को एउटा ‘दमदार खाका’ पेस गर्ने बताएकी छिन् । ‍बेलायती पत्रिका सन्डे टाइम्समा प्रकाशित एक लेखमा मेले भनेकी छिन्, ‘इयूबाट बेलायतको बहिर्गमनका लागि अन्तिम प्रयासस्वरूप ‘नयाँ र सुधारिएको’ प्रस्ताव संसदमा प्रस्तुत गरिनेछ ।’

प्रधानमन्त्रीको उक्त भनाइप्रति प्रतिक्रिया जनाउँदै विपक्षी लेबर पार्टीले प्रधानमन्त्रीले ल्याउने उक्त प्रस्तावको विपक्षमा मतदान गर्ने बताएको छ । बेलायती संसदका बहुमत सदस्यले प्रधानमन्त्रीबाट यस पहिले पटक-पटक ल्याइएका प्रस्तावको विपक्षमा मतदान गरेका थिए । प्रधानमन्त्री मेले आफूले ‘पहिलेकै सम्झौतामा सांसदहरूलाई पुनः सोच्न मात्र भनेको नभइ’ सुधारसहितको प्याकेजका उपाय ल्याउन लागेकोले यसमा समर्थन प्राप्त हुने विश्वास व्यक्त गरिन् ।

प्रधानमन्त्री मेले बेलायती संसदले पटक-पटक अस्वीकार गरेको ब्रेक्जिट प्रक्रिया अवरूद्धतालाई समाधान गर्ने पहलस्वरूप नयाँ प्रस्ताव पेस गर्ने जनाएकी हुन् ।


Leave a Reply

Your email address will not be published. Required fields are marked *