1. Home
  2. /
  3. प्रदेश ३, ब्रेकिङ न्युज, मुख्य खबर
  4. /
  5. संस्कृतिविद् सत्यमोहन जोशी एक...

संस्कृतिविद् सत्यमोहन जोशी एक सय वर्षमा प्रवेश, सम्मानस्वरुप ललितपुर महानगरपालिकामा सार्वजनिक बिदाको घोषणा

२०७६, ३० बैशाख सोमबार ०९:२४


ललितपुर: संस्कृतिविद् सत्यमोहन जोशी आज १०० वर्षमा प्रवेश गर्नुभएको छ । संस्कृतिविद् जोशी विसं १९७७ साल बैशाख ३० गते ललितपुरको बखुम्बहालमा जन्मिनु भएको हो । नेपाली लोकसंस्कृतिका लागि पहिलोपटक गद्य तर्फ जोशीले मदन पुरस्कार समेत प्राप्त गर्नुभएको छ । एक सय वर्षमा प्रवेश गरेको अवसरमा ललितपुर महानगरपालिकाले आज उहाँको सम्मानस्वरुप सार्वजनिक बिदा समेत दिएको छ ।

नेपाली भाषा कला, संस्कृतिको संरक्षण संस्कृतिको संरक्षण, सम्बर्धन र विकासमा पुर्याएको योगदानको सम्मान स्वरुप महानगरपालिकाले जोशीको सम्मानमा ललितपुरको मंगलबजारबाट बाजागाजासहित नगर परिक्रमा गराइ पुल्चोकमा विशेष कार्यक्रम गर्दै छ । त्यस्तै रक्तदान तथा दीपावली कार्यक्रम पनि राखेको छ । ललितपुर महानगरपालिकाभित्र स्थायी बसोवास गर्ने एक सय वर्ष पूरा गरेका अन्य जेष्ठ नागरिकहरुलाई पनि सम्मान गर्ने तयारी गरेको छ ।

जोशीको जन्म शताब्दीमा विभिन्न कार्यक्रम गरेर वर्षभरि नै मनाउने निर्णय महानगरले गरेको छ । महानगरपालिकाका अनुसार सेतो चैत्य पुस्तक अंग्रेजीमा प्रकाशन गर्ने, चारुमति पुस्तक नेपालीमा प्रकाशन गर्ने, जोशीको तस्वीर अंकित व्यानर सगरमाथामा फहराउने, तस्वीर अंकित हुलाक टिकट प्रकाशन गर्न पहल गर्नेलगायतका कार्यक्रम तय भएको छ ।

प्रबन्ध तथा अनुसन्धानात्मक कृति नेपालीमा १०, नाटक पाँच, काव्य दुई र कथासङ्ग्रह पाँच तथा नेवारी भाषामा गरी करिब ५० कृति प्रकाशित छन् । तीन पटकसम्म मदन पुरस्कार प्राप्त गरेका एक मात्र नेपाली स्रष्टा सत्यमोहन जोशीलार्इ नेपाली भाषा कला, संस्कृतिको संरक्षण विकासमा गरेको योगदानको कदर स्वरुप जोशीलाई सुप्रबल गोर्खा दक्षिण बाहु विख्यात त्रिशक्ति पट्ट, आदिकवि भानुभक्त पुरस्कार, काठमाडौं विश्व विद्यालयले विद्यावारिधीको मानार्थ प्रमाणपत्र प्रदान गरेको थियो । नेपाल सरकारवापत पनि उहाँ उज्ज्वल कीतिर्मान राष्ट्रदीपले सम्मानित भैसक्नुभएको छ ।


र यो पनि...

किराती परम्परा अनुसार कलाकारद्वय पुर्खाजित र ज्योतीले कसे लगनगाँठो

राष्ट्रिय वाणिज्य बैंकको शाखा सुनसरीको पानवारीमा सञ्चालन

मेगा बैंकको एटीएम त्रिभुवन अन्तर्राष्ट्रिय बिमानस्थलमा

कुमारी बैंकका ग्राहकलाई निदान हस्पिटलमा छुट

सानिमा जेनरल इन्स्योरेन्स र ज्योति विकास बैंकबीच बैंकास्योरेन्स सम्झौता

‘प्रेस जगतमा अराजकता छ’: नेकपा अध्यक्ष दाहाल

अर्थमन्त्रीद्वारा संसद्‌मा आर्थिक सर्वेक्षण प्रस्तुत {आर्थिक सर्वेक्षण प्रतिवेदनको पूर्णपाठ}

नरेन्द्र मोदीले बिहीबार विधिवत रुपमा दोस्रो कार्यकाल सम्हाल्दै

च्याम्पियन युभेन्ट्स साम्पडोरियासँग पराजित


Leave a Reply

Your email address will not be published. Required fields are marked *