बाह्रौ संस्करणको इन्डियन प्रिमियर लिग (आईपीएल) क्रिकेटको उपाधि मुम्बई इन्डियन्सले जित्यो

२०७६, ३० बैशाख सोमबार ०७:००


एजेन्सी: बाह्रौ संस्करणको इन्डियन प्रिमियर लिग (आईपीएल) क्रिकेटको उपाधि मुम्बई इन्डियन्सले जितेको छ । आईतबार राति हैदराबादमा भएको फाइनलमा चेन्नई सुपर किङ्सलाई एक रनले पराजित गर्दै मुम्बईले चौथो पटक उपाधि जितेको हो ।

२०औं ओभरको अन्तिम बलमा लासिथ मालिंगाले चेन्नईका शार्दुल ठाकुरलाई एलबीडब्लुको धरापमा पार्दै मुम्बईलाई रोमाञ्चक जित दिलाए । टस जितेर पहिले ब्याटिङ गरेको मुम्बईले निर्धारित २० ओभरमा आठ विकेट गुमाएर एक सय ४९ रन बनायो । मुम्बईका काइरन पोलार्डले अविजित ४१ रन बनाए । क्विन्टन डी ककले २९, इसन किसनले २३, हार्दिक पान्ड्याले १६, कप्तान रोहित शर्मा र सूर्यकुमार यादवले समान १५/१५ रन जोडे ।

चेन्नईका दीपक चाहरले तीन तथा शार्दुल ठाकुर र इमरान ताहिरले दुई/दुई विकेट लिए । एक सय ५० रनको लक्ष्य पछ्याएको चेन्नईका सेन वाटसनले ८० रन बनाए पनि टोलीलाई जिताउन सकेनन् । फाप डु प्लेसिसले २६ र ड्वेन ब्राभोले १५ रन बनाए । मुम्बईका जसप्रित बुमराहले दुई तथा कुणाल पाड्या, लासिथ मालिंगा र राहुल चाहरले एक-एक विकेट लिए । आईपीएलको फाइनलमा मुम्बई र चेन्नईबीच भिडन्त भएको यो चौथो पटक हो । सन् २०१० मा भएको फाइनलमा चेन्नईले मुम्बईलाई हराएको थियो । त्यसपछि सन् २०१३ र सन् २०१५ मा भएको फाइनलमा मुम्बईले चेन्नईलाई हराउँदै उपाधि हात पारेको थियो ।

यसपटक प्रतियोगिताको पहिलो हुने टोलीले २५ करोड भारतीय रुपैयाँ (४० करोड नेपाली रुपैयाँ) पुरस्कार हात पार्यो । यसैगरी दोस्रो हुने टोलीले १२ करोड ५० लाख भारतीय रुपैयाँ (२० करोड नेपाली रुपैयाँ) पुरस्कार प्राप्त गर्यो । प्रतियोगितामा तेस्रो हुने टोली दिल्ली क्यापिटल्सले १० करोड ५० लाख भारतीय रुपैयाँ पुरस्कार पायो भने चौथो हुने टोली सनराइजर्स हैदराबादको भागमा आठ करोड ५० लाख भारतीय रुपैयाँ पुरस्कार पर्यो ।


र यो पनि...

लघु र घरेलु साना उद्यमका लागि राष्ट्र बैंकले ल्यायो १५ लाखसम्मको पुनःकर्जा दिन सकिने प्रावधान

मोबाइल एपमार्फत सिटिजन लाइफ इन्स्योरेन्सको आफ्नो विवरण आफै हेर्न सकिने

केएमसीका चार जना स्वास्थ्यकर्मीमा पनि कोरोना संक्रमण भएको पुष्टि, संक्रमितको संख्या दुई हजार नाघ्यो

स्याङ्जा ५ र पर्वतमा ५ जनामा कोरोना भाइरस संक्रमण पुष्टि, संक्रमितको संख्या १ हजार ८ सय २१ पुग्यो

भिडियो कन्फ्रेन्स मार्फत एन्फाको कार्यसमिति बैठक, ७० करोडको बजेट प्रस्तुत, थापा कारबाहीको बिषय अनुमोदन

‘लकडाउन’का कारण दुई महिना रोकिएको शैक्षिक क्षेत्र असार १ गतेदेखि सुरु हुने, वैकल्पिक विधिबाट पठन-पाठन

एमसीसी सम्झौता राष्ट्रहित विपरित हुने भन्दै युवा कम्युनिष्ट लिगले निकाल्यो विज्ञप्ती

नेपालमा १८११ जनामा कोरोना सङ्क्रमण भएको पुष्टी, अहिलेसम्म २२१ जना संक्रमित निको भएर घर फर्किए

गैरआवासीय नेपाली संघ (एआरएनए) पोर्चुगलका अध्यक्ष गैरेलाई सामाजिक सम्मान


Leave a Reply

Your email address will not be published. Required fields are marked *