1. Home
  2. /
  3. प्रदेश ३, ब्रेकिङ न्युज, मुख्य खबर, समाचार
  4. /
  5. धूलो सडकका कारण जनजीवन...

धूलो सडकका कारण जनजीवन कष्टकर बनेपछि चाबहिल–साँखु सडक खण्डका स्थानीयहरु आन्दोलित

२०७६, २६ बैशाख बिहीबार ११:१३


काठमाडौंः चाबहिल–चुच्चेपाटी साँखु सडकखण्ड निर्माणमा ढिलाई भएपछि स्थानीयहरु आन्दोलनमा उत्रेका छन ।

धूलोले सडक खण्ड वरपरको जनजीवन कष्टकर बनेपछि स्थानीयहरु आन्दोलनमा उत्रेका हुन । सडक संघर्ष समिति बनाएर आन्दोलनमा उत्रेका स्थानीय व्यपारीहरुले आज बिहानैदेखि उक्त सडक खण्डमा यातायातका साधनहरु चल्न दिएका छैनन् । आन्दोलनबाट आज सडक खण्डठप्प भएको छे । सडक अवरोध हटाउन प्रहरीले केहिलाई नियन्त्रणमा लिएको छ ।

 

 

आन्दोलाकरीहरुमाथि धरपकड सुरु भएपछि आक्रोसित बनेका स्थानीयहरुले प्रहरीमाथि ढुंगा प्रहार गरेपछि प्रहरीले हवाई फायर समेत गरेको थियो । सडक निर्माणको काम कछुवाको गतिमा हुँदा सर्वसाधारणले निकै सास्ती पाएका छन् । यो सडकखण्ड अहिले धूलाम्य बनेको छ । चाबहिलदेखि साँखुसम्मको कूल लम्बाइ ११ दशमलव ४६ किलोमिटर मध्ये चुच्चेपाटीदेखि बौद्धको टुसालसम्म ५ सय मिटर र थलीको ओरालो मात्र कालोपत्र भएको छ भने बाँकी सडक कच्ची छन् । जसको कारण उक्त खण्डमा सडक दुर्घटना समेत बढेको छ ।

कार्यालय समयमा यस क्षेत्रमा हुने जाम र धुलोले यात्रुहरु मारमा परेका छन । जामले अस्तव्यस्त बनेको सडक सञ्चालनमा ल्याउने काम गर्दै आएका ट्राफिक प्रहरी पनि धूलोको चपेटामा पर्दै आएका छन् । २०७२ सालबाट सडक बढाउने भनेर घरहरु तथा सडक भत्काउन थालेपछि सडक पानी पर्दा हिलाम्य र घाम लाग्दा धुलाम्य हुने गरेको छ ।

 

 

सरकारले २०७२ सालमा चाबहिलबाट साँखुसम्म २२ मिटर चौडा चार लेनको सडक बनाउने योजना ल्यायो र काठमाडौँ उपत्यका सडक विस्तार आयोजनाले २०७२ जेठमा सडकखण्डको निर्माणका लागि बोलपत्र आह्वान गरेर असोजमा चार निर्माण व्यवसायीलाई ठेक्का दिएको थियो । उक्त सडकखण्डमा चार कम्पनीले समयमै निर्माण नसक्ने भएपछि थप एक कम्पनी गरी पाँच ठेकेदार कम्पनीले अहिले सडक विस्तारको काम गरिरहे पनि सडक निर्माणले कहिले पूर्णता पाउँछ भन्ने अझै टुङ्गो छैन ।


र यो पनि...

नेपाललाई अघिल्लो चरण पुग्न माल्दिभ्सलाई हराउनैपर्ने दवाव

नेपाल-भारत संयुक्त आयोगको पाँचौँ बैठक काठमाडौँमा सुरु हुँदै

आवश्यक गृहकार्य नपुगेको भन्दै मंगलबार स्थगित भएको नेकपाको सचिवालय बैठक आज पुन: बस्दै

इन्डोनेसियाको पश्चिमी प्रान्तमा भ्रम फैलाउन खोजेको भन्दै सरकारद्वारा इन्टरनेट सुविधामा कटौती

टेकबहादुर-विष्णुमाया सुनुवार स्मृति पुरस्कार महेश मुखियालाई प्रदान [फोटो फिचर]

जन आकाश मिडियाको १२औं वार्षिकोत्सव सम्पन्न

ईंग्लिस प्रिमियर लिग फुटबलमा साविकको विजेता म्यानचेस्टर सिटी बराबरीमा रोकिए

आर्सनलको कठिन जित

लिभरपुलको लगातार दोस्रो जित


Leave a Reply

Your email address will not be published. Required fields are marked *