1. Home
  2. /
  3. ब्रेकिङ न्युज, मुख्य खबर, समाचार
  4. /
  5. प्रधानमन्त्री केपी शर्मा ओली...

प्रधानमन्त्री केपी शर्मा ओली आज भियतनाम प्रस्थान गर्दै

२०७६, २६ बैशाख बिहीबार ०९:४७


काठमाडौं: एक साता लामो भियतनाम र कम्बोडियाको भ्रमणका लागि प्रधानमन्त्री केपी शर्मा ओली आज त्यसतर्फ प्रस्थान गर्दैछन् । भियतनामका प्रधानमन्त्री गुएन सुआन फुक र कम्बोडियाका प्रधानमन्त्री हुन सेनको निमन्त्रणामा ती देशको औपचारिक भ्रमणका लागि त्यसतर्फ जान लागेका हुन् ।

प्रधानमन्त्रीको भ्रमण टोलीमा पत्नी राधिका शाक्य, परराष्ट्रमन्त्री प्रदीपकुमार ज्ञवाली, प्रधानमन्त्रीका मुख्य सल्लाहकार विष्णुप्रसाद रिमाल, परराष्ट्र सल्लाहकार डा. राजन भट्टराईलगायतको टोली रहेको छ । भ्रमणका क्रममा भियतनामसँग तीन समझदारी गर्ने तयारी गरिएको परराष्ट्र मन्त्रालयले जनाएको छ ।

प्रवेशाज्ञा, व्यापार तथा लगानी प्रवर्द्धन र दिपक्षीय संयन्त्रसम्बन्धी समझदारी गर्ने सरकारको तयारी छ । कुटनीतिक सम्बन्ध रहेपनि त्यो संघन हुन नसकेकाले भ्रमण तय गरिएको र दुई देशबीचको सम्बन्धलाई यो भ्रमणले थप मजबुद बनाउने प्रधानमन्त्रीका परराष्ट्र सल्लाहकार डा राजन भट्टराईले जानकारी दिए ।

त्यस्तै कम्बोडियासँग विगतमा भएका समझदारी कार्यान्वयन गर्न यो भ्रमण सफल हुने अपेक्षा गरिएको छ । कम्बोडियाका प्रधानमन्त्री हुन सेन नेपाल भ्रमणमा आएका बेला नेपाल र कम्बोडियाबीच द्विपक्षीय हवाई, द्विपक्षीय सहयोग र सांस्कृति आदानप्रदान तथा व्यापार प्रबर्द्धन गर्ने समझदारी भएको थियो ।

तिनै समझदारीलाई यो भ्रमणले कार्यान्वयन तहमा पुर्या्उने अपेक्षा गरिएको छ । प्रधानमन्त्रीको विदेश भ्रमणबारे जानकारी दिन परराष्ट्र मन्त्रालयले हिजो गरेको पत्रकार सम्मेलनमा भ्रमणमा पर्यटनकै विषयमा छलफल हुने जानकारी दिइएको थियो ।

एक साता लामो भ्रमण सकेर प्रधानमन्त्री नेतृत्वको टोली जेठ १ गते स्वदेश फर्कने छ ।


र यो पनि...

किराती परम्परा अनुसार कलाकारद्वय पुर्खाजित र ज्योतीले कसे लगनगाँठो

राष्ट्रिय वाणिज्य बैंकको शाखा सुनसरीको पानवारीमा सञ्चालन

मेगा बैंकको एटीएम त्रिभुवन अन्तर्राष्ट्रिय बिमानस्थलमा

कुमारी बैंकका ग्राहकलाई निदान हस्पिटलमा छुट

सानिमा जेनरल इन्स्योरेन्स र ज्योति विकास बैंकबीच बैंकास्योरेन्स सम्झौता

‘प्रेस जगतमा अराजकता छ’: नेकपा अध्यक्ष दाहाल

अर्थमन्त्रीद्वारा संसद्‌मा आर्थिक सर्वेक्षण प्रस्तुत {आर्थिक सर्वेक्षण प्रतिवेदनको पूर्णपाठ}

नरेन्द्र मोदीले बिहीबार विधिवत रुपमा दोस्रो कार्यकाल सम्हाल्दै

च्याम्पियन युभेन्ट्स साम्पडोरियासँग पराजित


Leave a Reply

Your email address will not be published. Required fields are marked *