1. Home
  2. /
  3. देश, ब्रेकिङ न्युज, मुख्य खबर, समाचार
  4. /
  5. नीति तथा कार्यक्रमको प्रधानमन्त्रीद्वारा...

नीति तथा कार्यक्रमको प्रधानमन्त्रीद्वारा जवाफ: संशोधनको प्रस्तावमा खासै सच्चाउनुपर्ने छैन

२०७६, २४ बैशाख मंगलवार १५:१७


काठमाडौं: प्रधानमन्त्री केपी शर्मा ओलीले सरकारले प्रस्तुत गरेको नीति तथा कार्यक्रमको संशोधनको प्रस्तावमा खासै सच्चाउनुपर्ने कुरा केही नभएको बताएका छन् । आज प्रतिनिधि सभाको बैठकमा सांसदहरुको प्रश्नको जवाफ दिँदै प्रम ओलीले आलोचनाको कुनै ठाउँ नरहेकोमा आफूलाई खुसी लागेको बताए ।

सम्बोधनको क्रममा प्रधानमन्त्री ओलीले राष्ट्रपति विद्यादेवी भण्डारीले संघीय संसदमा प्रयोग गरेको ‘मेरो सरकार’ वाक्यांशको फेरि बचाउ गरेका छन् । प्रधानमन्त्री ओलीले नेपालमा धेरै अभ्यासहरु मिल्न बाँकी रहेको बताउँदै नमिलेका कुराहरु मिलाउँदै जानुपर्ने बताए । ‘हाम्रा अभ्यासहरु मिलेका छैनन् । मिलाएर लैजानुपर्छ । यस पटक यो मिल्यो, बाँकी मिलाउँदै जानुपर्छ,’ मिल्न बाँकी कुराहरुमध्ये यसक पटक ‘मेरो सरकार’ मिलेको दाबी गरे ।

उनले सरकारको नीति तथा कार्यक्रममा ‘मेरो सरकार’ वाक्यांश भूलवश नआएको स्पष्ट पारे । ‘भूलचूकले आएको पो हो कि भन्ने कुरा आएको छ । यो भूलचूक होइन, जानीजानी राखिएको सुविचारित शब्द हो,’ ओलीले भने ।

सम्बोधनको क्रममा प्रधानमन्त्री ओलीले प्रमुख प्रतिपक्षी दलका सभापति शेरबहादर देउवाले राष्ट्रपति भण्डारीको सम्बोधनलाई बेलायती महारानीको शैली भनेकोप्रति आपत्ति जनाए । प्रधानमन्त्री ओलीले देउवालाई बेलायती महारानीसँग तुलना गर्दा कूटनीतिक मर्यादा भुल्न नहुने सुझाव समेत दिए ।

सम्बोधनको क्रममा प्रधानमन्त्री ओलीले सुन तस्करीबारे प्रश्न गरेका छन् । प्रतिनिधिसभामा प्रश्नको जवाफ दिने क्रममा प्रधानमन्त्रीले भने, ‘३८ सय क्वीन्टल सुन तस्करी भयो रे तर कहाँ गयो त्यो सुन ? तस्करी भएपछि मात्र थाहा भयो भन्दै उल्टै प्रश्न गरे ।’

प्रधानमन्त्री ओलीले प्रदेश सरकार र स्थानीय सरकार केन्द्र सरकार मातहत रहेको बताएका छन् । प्रदेश र स्थानीय सरकार स्वतन्त्र सरकार नरहेको भन्दै उनले केन्द्र सरकार मातहत नै रहेको कुरा कुनै अनौठो नभएको बताए ।

‘अहिले ७ सय ६१ सरकार छन्, कुन सरकारले के गर्ने, सबै स्वतन्त्र सरकार होइनन् । कसैले भन्दै हुनुहुन्थ्यो प्रदेश सरकार केन्द्र सरकार मातहत नै हो भन्ने जसरी व्यवहार भएको छ’ उनले भने ‘केन्द्रको मातहत नै हो । संघीय सरकार, संघीय कानूनको मातहतमै प्रदेश सरकार र स्थानीय सरकारहरु हुन्छन् । यो पनि कुनै अनौठो कुरा हो र ?’

प्रदेश सरकार स्वतन्त्र सरकार होइन भन्नेमा अलमल नराख्न पनि प्रधानमन्त्री ओलीले आग्रह गरे । ‘स्वतन्त्र सरकार त होइनन् नि, ती संघीय सरकारकै मातहत हुन् । यस्तो कुरामा अलमल राख्नुहुन्न ।’ संघीय सरकार, प्रदेश सरकार र स्थानीय सरकारबीच समन्वय गर्नका लागि प्रदेश समन्वय परिषद र अरु समन्वयकारी कामहरु भइरहेको पनि उनले बताए । प्रधानमन्त्री ओलीले चालु आर्थिक वर्षमा कुन सरकारले के काम गर्ने भन्ने विषयमा पनि थिति बसाएको बताए ।


र यो पनि...

किराती परम्परा अनुसार कलाकारद्वय पुर्खाजित र ज्योतीले कसे लगनगाँठो

राष्ट्रिय वाणिज्य बैंकको शाखा सुनसरीको पानवारीमा सञ्चालन

मेगा बैंकको एटीएम त्रिभुवन अन्तर्राष्ट्रिय बिमानस्थलमा

कुमारी बैंकका ग्राहकलाई निदान हस्पिटलमा छुट

सानिमा जेनरल इन्स्योरेन्स र ज्योति विकास बैंकबीच बैंकास्योरेन्स सम्झौता

‘प्रेस जगतमा अराजकता छ’: नेकपा अध्यक्ष दाहाल

अर्थमन्त्रीद्वारा संसद्‌मा आर्थिक सर्वेक्षण प्रस्तुत {आर्थिक सर्वेक्षण प्रतिवेदनको पूर्णपाठ}

नरेन्द्र मोदीले बिहीबार विधिवत रुपमा दोस्रो कार्यकाल सम्हाल्दै

च्याम्पियन युभेन्ट्स साम्पडोरियासँग पराजित


Leave a Reply

Your email address will not be published. Required fields are marked *