1. Home
  2. /
  3. देश, प्रदेश ३, ब्रेकिङ न्युज, मुख्य खबर
  4. /
  5. सरकारको नीति तथा कार्यक्रममाथिको...

सरकारको नीति तथा कार्यक्रममाथिको छलफलमा भाग लिदै नेकपा अध्यक्ष दाहालले दिए सत्ता र प्रतिपक्ष दुबैलाई धन्यवाद

२०७६, २४ बैशाख मंगलवार १३:२६


काठमाडौं: सरकारको नीति तथा कार्यक्रममाथिको छलफलमा भाग लिदै सत्तारुढ दल नेपाल कम्युनिष्ट पार्टी (नेकपा)का अध्यक्ष पुष्पकमल दाहालले सत्ता र प्रतिपक्ष दुबैलाई धन्यवाद दिएका छन् ।

सत्ता पक्षले यसअघिको नीति तथा कार्यक्रमभन्दा गुणात्मक नीति तथा कार्यक्रम ल्याएको भन्दै दाहालले धन्यवाद दिए । दाहालले प्रतिपक्षले गुणात्मक रुपमा प्रतिवाद गरेको भन्दै प्रतिपक्षलाई पनि धन्यवाद दिए ।

बजेट निर्माण प्रक्रियामा सरकारको तयारी र प्रतिपक्षको प्रतिवाद गर्ने धेरै राम्रो नभएको बताउँदै दाहालले भने, ‘यस वर्ष सरकार र प्रतिपक्षले व्यवस्थित गरेर प्रस्तुत गरेको छ । जनताको चाहनालाई समेट्ने अधिकतम् प्रयास भएको छ । म यसका लागि नेपाल सरकारलाई धन्यवाद भन्न चाहान्छु ।’ ‘प्रतिपक्षले पनि गत वर्षको तुलनामा यस वर्ष अलि तयारीका साथ आफ्नो धारणा लिखित रुपमै राख्ने नयाँ धारणा आएको छ, यसका लागि प्रतिपक्षीलाई पनि धन्यवाद दिन चाहान्छु ।’

द्वन्द्वकालीन मुद्दाको तर्फ ध्यान दिदै दाहालले भने, ‘शान्तिलाई स्थायी बनाउन केही काम अहिले पनि बाँकी छ । प्रतिपक्षीले र हामीले यसलाई अन्तिम निष्कर्षमा पुर्यालउन आवश्यक छ । यसलाई ध्यान दिनुपर्छ ।’

संविधान संशोधनका विषयमा ध्यान दिँदै अध्यक्ष दाहालले भने, ‘कयौं समुदायका भावनाहरुलाई सम्बोधन गर्नुपर्छ भन्ने कुरा कायमै छ । हामी सहमति सहकार्य र एकताको भावनालाई कायम राख्नु पर्छ ।’


र यो पनि...

किराती परम्परा अनुसार कलाकारद्वय पुर्खाजित र ज्योतीले कसे लगनगाँठो

राष्ट्रिय वाणिज्य बैंकको शाखा सुनसरीको पानवारीमा सञ्चालन

मेगा बैंकको एटीएम त्रिभुवन अन्तर्राष्ट्रिय बिमानस्थलमा

कुमारी बैंकका ग्राहकलाई निदान हस्पिटलमा छुट

सानिमा जेनरल इन्स्योरेन्स र ज्योति विकास बैंकबीच बैंकास्योरेन्स सम्झौता

‘प्रेस जगतमा अराजकता छ’: नेकपा अध्यक्ष दाहाल

अर्थमन्त्रीद्वारा संसद्‌मा आर्थिक सर्वेक्षण प्रस्तुत {आर्थिक सर्वेक्षण प्रतिवेदनको पूर्णपाठ}

नरेन्द्र मोदीले बिहीबार विधिवत रुपमा दोस्रो कार्यकाल सम्हाल्दै

च्याम्पियन युभेन्ट्स साम्पडोरियासँग पराजित


Leave a Reply

Your email address will not be published. Required fields are marked *