1. Home
  2. /
  3. देश, प्रदेश १, प्रदेश २, ब्रेकिङ न्युज, मुख्य खबर
  4. /
  5. हावाहुरी आउनेतर्फ सचेत रहन...

हावाहुरी आउनेतर्फ सचेत रहन जल तथा मौसम विज्ञान विभागको अनुरोध, हेलिकप्टर उडान नगर्न गृहको आग्रह

२०७६, २० बैशाख शुक्रबार १२:४०


काठमाडौं: भारतको ओडिशाको समुन्द्री तटमा ‘फानी’ चक्रवातले प्रहार गरेको छ । हाल त्यहाँ १७५ किलोमिटर प्रतिघण्टाको गतिले हावा चलिरहेको बताइएको छ । फानीले विस्तारै २०० किलोमिटर प्रतिघण्टा गति लिन सक्ने अनुमान गरिएको छ ।

हाल भारतका धेरै स्थानमा वर्षा हुनुका साथै हावाहुरी चलिरहेको र मानिसहरुलाई सचेत रहन आग्रह गरिएको छ । ओडिशाबाट बंगाल हुँदै बंगलादेशमा फानीले प्रभाव पार्ने भारतीय अधिकारीहरुले बताएका छन् । ओडिशामा मात्रै ११ लाख मानिसलाई सुरक्षित स्थानमा सारिएको बताइएको छ । फानी प्रवेश गर्ने मार्गहरुमा समेत मानिसहरुलाई सुरक्षित स्थान तर्फ लैजाने प्रयास भइरहेको छ ।

भारतीय जलसेनाका तीन जहाजहरुलाई राहतकार्यका लागि तयारी अवस्थामा राखिएको छ । ३४ समूह बनाई राहत तथा उद्धार कार्यमा सेनालाई खटाउने अधिकारीले बताएका छन् । समुन्द्री तटसँग जोडिएको जिल्लाहरुमा सडक, रेल र हवाइमार्ग बन्द गरिएको छ । फानीले नेपालमा समेत प्रभाव पार्न सक्ने मौसम पूर्वानुमान महाशाखाले जनाएको छ । शुक्रबार मध्याह्नपछि नेपालको पूर्वी र मध्य भागमा फानीका कारण मेघगर्जनसहित वर्षा हुने महाशाखाले जनाएको छ । साथै हावाहुरी र चट्याङको अनुमान पनि महाशाखाको छ ।

चक्रवात नेपालतर्फ आउने सम्भावना अहिलेसम्म नदेखिए पनि यसको प्रभावबाट नेपालको पूर्वी र मध्य क्षेत्रमा आज र भोलि मौसम प्रभावित भइ पूर्वी र मध्यका स्थानहरुमा मेघ गर्जन सहित चट्टयांग तथा हावाहुरीसहित हल्कादेखि मध्यम वर्षा हुन सक्ने जनाइएको छ । हिमाली भूभागमा पनि मध्यमदेखि भारी हिमपातको सम्भावना रहेको महाशाखाले जनाएको छ । देशको पश्चिमी क्षेत्रमा आज पश्चिमी वायुको प्रभाव रहने हुँदा केहि स्थानहरुमा हल्कादेखि मध्यम वर्षाको सम्भावना रहेको महाशाखाले जनाएको छ । आइतबारदेखि देशभर मौसममा क्रमिक रुपमा सुधार आउने महाशाखाको अनुमान छ ।

यसैबीच गृह मन्त्रालयले पूर्वी हिमाली क्षेत्रमा ठूलो हिमपात हुन सक्ने भएकाले सो क्षेत्रमा शुक्रबार मध्याह्नदेखि शनिबार दिनभरसम्म हेलिकप्टर उडान नगर्न/नगराउन समेत आग्रह गरेको छ । पर्यटक तथा यात्रुलाई सुरक्षित स्थानमा रहन पनि मन्त्रालयले आग्रह गरेको छ ।


र यो पनि...

भारतले सार्वजानिक गरेको नयाँ नक्सा सच्याउन युवा कम्युनिष्ट लिगद्वारा विज्ञप्ती जारी, कुटनीतिक पहलबाट समस्याको समाधान गर्न नेपाल सरकारलाई आग्रह

आज हरिबोधिनी एकादशी नदी तथा जलाशयमा भक्तजनको भीड, तुलसीको विवाह गर्ने दिन

आजदेखि दुई दिने ‘प्रथम मुलखर्क भिमसेनस्थान साँस्कृतिक महोत्सव-२०७६’ हुँदै

भारतीय पक्षबाट नेपालको सीमा मिचिएकोमा वाईसिएलका उपाध्यक्ष प्रकाश राईको कडा आपत्ति

तिहारको मूख्य दिन आज भाईटीका, टीकाको शुभ-साईत ११ बजेर ५५ मिनेटमा उत्तम

नयाँ वर्ष नेपाल संवत् ११४० आजबाट सुरु

म्यानमारमा ४० सुरक्षाकर्मीको अपहरण

पाकिस्तानी पूर्वप्रधानमन्त्री नवाज सरीफलाई हृदयाघात

चेल्सीको सहज जित, बर्नली ४-२ गोल अन्तरले पराजित


Leave a Reply

Your email address will not be published. Required fields are marked *