1. Home
  2. /
  3. प्रदेश १, प्रदेश २, प्रदेश ३
  4. /
  5. छुट्टाछुट्टै सवारी दुर्घटनामा परी...

छुट्टाछुट्टै सवारी दुर्घटनामा परी पाँच जनाको मृत्यु

२०७६, १९ बैशाख बिहीबार १६:०६


काठमाडौं: मोरङ, ललितपुर, बाँके, सर्लाही, सुनसरीमा भएका छुट्टाछुट्टै सवारी दुर्घटनामा परी पाँच जनाको मृत्यु भएको छ । मोरङ, सुन्दरहरैचा-५ स्थित सडकमा को.१ त ९०९५ नम्बरको ट्याक्टरबाट बुधबार साँझ लडेर गम्भीर घाइते भएका सहचालक ईटहरी-२ बस्ने २० वर्षीय भिमबहादुर परियारको धरान घोपा अस्पतालमा उपचारको क्रममा मृत्यु भएको छ । ट्याक्टर र चालकलाई प्रहरीले नियन्त्रणमा लिएको छ ।

ललितपुर, बागमती गाउँपालिका-३ छेपलीस्थित सडकमा बा. ४१ प ८१७० नम्बरको मोटरसाइकल आफैं अनियन्त्रित भई सडकबाट करिब ५० मिटर तल खसेर बुधबार साँझ दुर्घटना हुँदा गम्भीर घाइते भएका मोटरसाइकल चालक सोही ठाउँ डेरा गरी बस्ने सर्लाहीका ३७ वर्षीय प्रेमकुमार यादवको धापाखेलस्थित सुमेरु अस्पताल लैजाने क्रममा बाटोमै मृत्यु भएको छ ।

बाँके, नेपालगञ्ज उपमहानगरपालिका-२१ पुरैनी बस्ने ५५ वर्षीय नन्कौ राईले चलाएको भे.५ प ३३५२ नम्बरको मोटरसाइकलले बुधबार साँझ सोही ठाउँस्थित सडकमा ठक्कर दिँदा गम्भीर घाइते भएका सोही स्थान बस्ने अब्दुल शेखको ४ वर्षीय छोरा अजानशेखको नर्सिङ होम नेपालगंजमा उपचारको क्रममा मृत्यु भएको छ । मोटरसाइकल र चालक फरार रहेकोले प्रहरीले खोजि गरिरहेको छ ।

सर्लाही, गोडैता नगरपालिका-३ भगबतीपुरस्थित भित्री सडकखण्डमा बिआर ३० पि ९९१८ नम्बरको ट्याम्पु बिहीबार बिहान पल्टिएर दुर्घटना हुँदा ट्याम्पुमा सवार भारत सितामढी बस्ने ६२ वर्षीय बिजेन्द्र महतोकोघटनास्थलमै मृत्यु भएको छ । ट्याम्पु नियन्त्रणमा लिईफरार चालककोप्रहरीले खोजि गरिरहेको छ ।

सुनसरी, ईटहरी नरपालिका-५ महेन्द्र राजमार्गमा ना.७ ख ७७३१ नम्बरको सवारी साधनले बिहीबार बिहान ठक्कर दिँदा गम्भीर घाइते भएका पैदलयात्री ईटहरी उपमहानगरपालिका-८ बस्ने ७२ वर्षीय धनबहादुर भण्डारीको एपेक्स हस्पिटलबाट थप उपचारको लागि धरान घोपा अस्पताल पठाएकोमा उपचारको क्रममा मृत्यु भएको छ । चालकलाई प्रहरीले नियन्त्रणमा लिएको छ । दुर्घटनास्थलमा स्थानीय प्रहरीले आवश्यक उद्धार गर्नुको साथै यस सम्बन्धमा थप अनुसन्धान गरिरहेको छ ।


र यो पनि...

भारतले सार्वजानिक गरेको नयाँ नक्सा सच्याउन युवा कम्युनिष्ट लिगद्वारा विज्ञप्ती जारी, कुटनीतिक पहलबाट समस्याको समाधान गर्न नेपाल सरकारलाई आग्रह

आज हरिबोधिनी एकादशी नदी तथा जलाशयमा भक्तजनको भीड, तुलसीको विवाह गर्ने दिन

आजदेखि दुई दिने ‘प्रथम मुलखर्क भिमसेनस्थान साँस्कृतिक महोत्सव-२०७६’ हुँदै

भारतीय पक्षबाट नेपालको सीमा मिचिएकोमा वाईसिएलका उपाध्यक्ष प्रकाश राईको कडा आपत्ति

तिहारको मूख्य दिन आज भाईटीका, टीकाको शुभ-साईत ११ बजेर ५५ मिनेटमा उत्तम

नयाँ वर्ष नेपाल संवत् ११४० आजबाट सुरु

म्यानमारमा ४० सुरक्षाकर्मीको अपहरण

पाकिस्तानी पूर्वप्रधानमन्त्री नवाज सरीफलाई हृदयाघात

चेल्सीको सहज जित, बर्नली ४-२ गोल अन्तरले पराजित


Leave a Reply

Your email address will not be published. Required fields are marked *