1. Home
  2. /
  3. खेलकुद
  4. /
  5. इण्डियन प्रिमियर लिग (आईपीएल)...

इण्डियन प्रिमियर लिग (आईपीएल) क्रिकेटमा किङ्स इलाभेन पन्जाबद्वारा राजस्थान रोयल्स पराजित

२०७६, ४ बैशाख बुधबार ०९:२५


काठमाडौं: किङ्स इलाभेन पन्जाबले भारतमा जारी १२औं संस्करणको इण्डियन प्रिमियर लिग (आईपीएल) क्रिकेटमा राजस्थान रोयल्सलाई पराजित गरेको छ ।

चण्डीगढस्थित आईएस वृन्दा क्रिकेट स्टेडियममा पन्जाबले राजस्थानलाई १२ रनले पराजित गरेको हो । घरेलु टोली पन्जाबले दिएको १८३ रनको लक्ष्यसहित जवाफी ब्याटिङ गरेको राजस्थानले पुरै २० ओभर खेल्दै ७ विकेट गुमाएर मात्र १६८ रन बनाउन सक्यो । राजस्थानका राहुल त्रिपाठीले ५० रन अर्धशतकिय इनिङ्स खेले पनि टोलीलाई जित दिलाउन सकेनन् । यस्तै स्टुवार्ड बिनीले अविजित ३१ रन बनाए । त्यस्तै राजस्थानका संजु सामसनले २७, अन्जिंका रहानेले २६ र जोश बट्लरले २३ रन बनाए । पन्जाबका अर्शदिप सिंह, रविचन्द्र आश्विन र मोहमद शामीले २/२ विकेट लिए ।

टस हारेर पहिले ब्याटिङ गरेको पन्जाबले २० ओभरमा ६ विकेट गुमाएर एक सय ८२ रन बनाएको थियो । पन्जाबको लागि लोकेश राहुलले ५२ रनको अर्धशतकीय इनिङ्स खेल्दा डेभिड मिल्लरले ४० रन बनाए । यस्तै क्रिस गेलले ३० तथा मायांक अग्रवालले २६ रन बनाए । रविचन्द्र आश्विन १७ रनमा अविजित रहे । राजस्थानका जोफ्रा आर्चरले ३ विकेट लिए ।


Leave a Reply

Your email address will not be published. Required fields are marked *