1. Home
  2. /
  3. प्रदेश ६, ब्रेकिङ न्युज, मुख्य खबर
  4. /
  5. राष्ट्रिय गौरवको भेरी-बबई डाइभर्सन...

राष्ट्रिय गौरवको भेरी-बबई डाइभर्सन बहुउद्देश्यीय आयोजनाको सुरुङ निर्माण एक बर्ष अघि नै पुरा

२०७६, ४ बैशाख बुधबार ०९:१९


सुर्खेत: राष्ट्रिय गौरवको आयोजना भेरी बबई डाइभर्सन बहुउद्देश्यीय आयोजनाको सुरुङ निर्माणको काम तोकिएको भन्दा एक बर्ष अघि नै पुरा भएको छ । महत्वाकांक्षी योजनाका रुपमा अघि सारिएको आयोजनामा ऐतिहासिक उपलब्धी भएको भन्दै प्रधानमन्त्री केपी शर्मा ओलीले सुरुङको ब्रेकथ्रु गर्नुभएको छ ।

नेपालमै पहिलोपटक टीबीएम प्रविधिबाट निर्माण गरिएको सुरुङमार्गले भेरी बबईलाई नमुना आयोजनाको रूपमा स्थापित गरेको छ । सुरुङ निर्माणको काम आगामी चैत्रमा पुरा हुने भनिएपनि तोकिएको भन्दा एक बर्ष अघि नै काम पुरा भएको यो नै नेपालको पहिलो ठुलो आयोजना हो ।

सुरुङ ब्रेक थ्रुका लागि पुगेका प्रधानमन्त्री केपी शर्मा ओलीले सरकारले ठूला आयोजना मार्फत् उत्पादकत्व बढाउने र मुलुकको अर्थतन्त्रलाई बलियो बनाउने गरि सरकारले काम गरिरहेको बताउनुभयो । नेपालको बजेट, आवश्यकता, अमेरिकी प्रविधि र चिनियाँ कम्पनीको लगनशिलताका कारण तोकिएको समयभन्दा अघि नै सुरुङ निर्माण सम्पन्न भएको प्रधानमन्त्री ‌ओलीको भनाइ छ ।

उर्जामन्त्री बर्षमान पुनले तोकिएको समय अघि नै पुरा हुनु ऐतिहासिक उपलब्धी भएको बताउदै यस्तो प्रविधि अन्य आयोजनामा समेत प्रयोग गर्नेगरी सरकारले तयारी थाल्ने बताए । आयोजनावाट उत्पादित ४८ मेगााट विद्युतलाई जनताको जलविद्युत आयोजना अन्तर्गत समावेश गर्ने उर्जा मन्त्रालयले तयारी थालेको मन्त्री पुनको भनाइ छ ।

बाँके र बर्दियाका जनताको लागि मात्र नभइ आयोजनाबाट कर्णाली प्रदेशले पनि लाभ पाउनुपर्ने कर्णाली प्रदेशका मुख्यमन्त्री महेन्द्रबहादुर शाहीको दाबी छ । चिनियाँ निर्माण कम्पनी कोभेकले १२ हजार २ सय मिटर लामो सुरुङमार्ग निर्धारित समयभन्दा एक वर्षअघि नै सम्पन्न गरेको हो । भेरीको पानी बबईमा मिसाएर बाँके र बर्दियाको ५१ हजार हेक्टर जमिन सिँचाइ गर्ने र ४६ दशमलव ८ मेगावाट विद्युत् निकाल्ने आयोजनाको लक्ष्य रहेको छ ।

सुरुङ खन्ने चुनौतीपूर्ण काम सकिएपनि आयोजनामा त्यसको फिनिसिङदेखि अन्य पूर्वाधारको काम भने बाँकी छ । सुरुङ निर्माण सकिएको घोषणा भएपछि सुरुङभित्र सरसफाइ गर्नुका साथै विद्युतगृह,पावरहाउस र ड्याम निर्माणको काम शुरु गर्ने आयोजनाको तयारी छ । आयोजनाले भेरीको पानी बबई नदीमा खसाल्न चिप्लेमा ६ गेजसहित १ सय १४ मिटर लामो ब्यारेज निर्माण थाल्ने जनाएको छ ।


र यो पनि...

राष्ट्रपति विद्यादेवी भण्डारीद्वारा आठौं राष्ट्रिय खेलकुद प्रतियोगिताको औपचारिक उद्घाटन हुँदै

आफ्नो कार्याकर्ता रिहा गर्न माग गर्दै विप्लव समुहले गरेको नेपाल बन्दको देशैभरि आंशिक प्रभाव

राष्ट्रिय गौरवको योजना पोखरा क्षेत्रीय अन्तर्राष्ट्रिय विमानस्थलको रनवे निर्माण पुरा

सर्वोच्चमा प्रस्तावित पाँच न्यायाधीशको संसदीय सुनुवाइ आज

भारतमा जारी १२औं संस्करणको आईपीएल क्रिकेटमा सनराइजर्सद्वारा चेन्नई सुपर किङ्स पराजित

भ्रष्टाचारको आरोप लागेका पेरुका पूर्व राष्ट्रपति अलन गार्सियाको उपचारको क्रममा निधन

पहिलो पटक अन्तरिक्षमा नेपालको आफ्नै स्याटेलाइट भू-उपग्रह अमेरिकाको भर्जिनिया तटबाट प्रक्षेपण

युभेन्टसलाई २-१ गोल अन्तरले हराउँदै आयाक्स सेमिफाइनलमा

बार्सिलोना च्याम्पियन्स लिग फुटबलको सेमिफाईनलमा प्रवेश


Leave a Reply

Your email address will not be published. Required fields are marked *